Сунтаар улууһугар СӨ үлэ уонна социальнай сайдыы миниистирэ кэллэ

Кулун тутар 4 күнүгэр, оробуочай сырыыннан Бүлүү бөлөх улуустарынан социальнай тэрилтэлэр үлэлэрин-хамнастарын көрө-истэ СӨ үлэ уонна социальнай сайдыы миниистирэ Елена волкова салайааччылаах бөлөх бүгүн Сунтаар улууһугар кэллэ.

image-05-03-21-01-52-2 image-05-03-21-01-52-1 image-05-03-21-01-52-3
1 из 3

Бөлөх чилиэннэрин улуус Аҕа баһылыгын социальнай уонна имиджевэй бэлиитикэҕэ солбуйааччы Гаврил ЕРЕМЕЕВ уонна нэһилиэнньэ социальнай харыстабылын управлениетын салайааччыта Георгий ФРОЛОВ көрсөн Тойбохойго нэһилиэк баһылыгын Иван ПОПОВУ кытары С.Г. Кривошапкин аатынан тулаайах уонна көрүүтэ-истиитэ суох хаалбыт оҕолор дьиэлэригэр сырытыннардылар.

Дириэктэр Станислав ЕГОРОВ оҕолор олорор усулуобуйаларын, сайыҥҥы сынньалаҥнарын төһө туһалаахтык атааралларын билиһиннэрдэ. Нэһилиэккэ социальнай контракт нөҥүө бэйэ дьыалатын тэринэргэ көмө ылбыт Николай ЛЯШЕЕВ үлэлиир мастарыскыайыгар сылдьыы буолла. Салгыы бөлөх чилиэннэрэ Г.Е. Бессонов аатынан Республикатааҕы историко-краеведческай музей үлэтин-хамнаһын сиһилии көрдүлэр-иһиттилэр.

image-05-03-21-01-52-7 image-05-03-21-01-52-5 image-05-03-21-01-52-8
1 из 3

Сунтаар нэһилиэгэр «Кэскил» сокуоннай саастарын ситэ илик оҕолор социально-реабилитационнай киин директорын Альбина Прокопье3ваны уонна үлэһиттэри кытары көрсөн тэрилтэ үлэтин-хамнаһын, инники былаанын билистилэр. Көрсүһүү үөрүүлээх чааһыгар СӨ үлэ уонна социальнай сайдыы миниистиэристибэтин үрдүкү наҕараадатын “СӨ Социальнай көмүскэлин туйгуна” бэлиэни Анастасия ПОПОВАҔА, Лидия БОРИСОВАҔА уонна Анастасия ЕГОРОВАҔА туттарда.

image-05-03-21-01-52-6 image-05-03-21-01-52-4 image-05-03-21-01-52
1 из 3
Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх