Сунтаар улууһугар нэһилиэнньэ дьарыктаах буолуутун киинэ тэриллибитэ 30 сыла

Муус устар 20 күнүгэр, улуус дьаһалтатын аактабай залыгар нэһилиэнньэ дьарыктаах буолуутун киинэ тэриллибитэ 30 сыллаах үбүлүөйдэрин бэлиэтээтилэр.

Улуус Аҕа баһылыга Анатолий ГРИГОРЬЕВ улууспут дьонун-сэргэтин олоҕо-дьаһаҕа тупсарыгар  олохтоохтору үлэннэн хааччыйыыга уонна эдэр специалистары стажировкалатан, идэлэрин таһымын үрдэттэриигэ ахса суох үтүөтүн иһин тэрилтэ салайааччытыгар Александр НИКОЛАЕВКА «За вклад в развитии социальной защиты населения Сунтаркого улуса» Бочуоттаах бэлиэни, тэрилтэ үлэһиттэригэр махтал суруктары туттарда.

Үөрүүлээх тэрээһиҥҥэ нэһилиэктэр баһылыктара уонна тэрилтэлэр салайааччылара нэһилиэнньэ дьарыктаах буолуутун киинин коллективыгар эҕэрдэ бастыҥын анаан туран, инникитин да маннык таһаарыылаахтык бииргэ үлэлииргэ баҕа санааларын эттилэр.