АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
11
Ясно
КУРС ВАЛЮТ
Курс ЦБ
$  62.52
 71.23
18+
ЛЕНТА НОВОСТЕЙ
Сахалыы
27 мая 2019, 18:20
1072

Сири алдьатыы уонна сүһүрдүү иһин эппиэтинэс

Сир диэн киһи аймах өр кэмҥэ туһанар олоҕун төруөтэ, айылҕа биир сүрүн, тугунан да солбуллубат сүдү баайа буолар.

Российскай Федерацияҕа сир хаачыстыбаннай туругун мөлтөөһүнтэн харыстыыр кэккэ сокуоннар уонна нуормалаах аакталар бааллар. Сири бас билээччилэр, туһанааччылар уонна түүлэһээччилэр Российскай Федерация сиргэ кодексын 13 ыстатыйата этэринэн, бэйэлэрин сирдэрин  харыстыыр уонна быйаҥын үрдэтэр эбээһинэстээхтэр. Өскөтүн, сир үрүт араҥатын алдьатан туран туох эмэ үлэ ыытыллыбыт буоллаҕына, чөлүгэр түһэриэхтээхтэр.

Сир быйаҥы биэрэр үрүт араҥатын алдьатыы, буортулааһын араас дьайыылартан тахсыан сөп. Кырыстаах сир үрдүгэр атын буору саба кутуу,  бөхтөөһүн-киртитии, суолу оҥоруу уонна өрөмүөннээһин кэмигэр анал көҥүлэ суох сиртэн буор хаһан ылыы, улахан ыйааһыннаах техниканнан сири тоҕута сүүрдүү уо.д.а. Маннык түбэлтэлэр соруйан оҥорууттан эрэ буолбакка, алҕаска, сокуону билбэт буолууттан тахсыахтарын сөп. Сир үрүт араҥата алдьатыллыбытын кэннэ рекультивация үлэтэ ыытыллыбатаҕына бу сир чөлүгэр түһэригэр 10 – 100 сылга дылы бириэмэ наада.      

Тыа хаһаайыстыбатын сирдэригэр итинник сири алдьатыы тахсыбатын туһугар уонна сир быйаҥы биэрэр үрүт араҥатын тупсарар уонна чөлүгэр түһэрэр үлэлэри Россельхознадзор Саха Сиринээҕи управлениета кэтээн көрөр.

Сири алдьатыы уонна сүһүрдүү иһин Российскай Федерация административнай кодексын 8.6 ыстатыйатынан административнай эппиэтиннэс көрүллэр. Бу ыстатыйа бастакы чааһынан сир үрүт быйаҥнаах араҥатын көҥүлэ суох кыһан уонна тиэйэн ылыы иһин: чааһынай киһиэхэ 1 тыһ. – 3 тыһ. солкуобайга дылы, дуоһунастаах сирэйдэргэ 5 тыһ. – 10 тыһ. солкуобайга дылы, юридическай сирэйдэргэ 30 тыһ. –  50 тыһ. солкуобайга тиийэ харчыннан ыстыраап олоҕурар. Административнай кодекс 8.6 ыстатыйа иккис чааһынан сир быйаҥы биэрэр үрүт араҥатын пестицидтарынан, агрохимикаттарынан сэрэҕэ суох туһаныы түмүгэр киртитии уонна дьон доруобуйатыгар, тулалыыр эйгэҕэ буортулаах эттиктэринэн сүһүрдүү, бөҕүнэн, сыыһынан киртитии таҕыстаҕына  административнай ыстыраап көрүллэр. Чааһынай киһиэхэ 3 тыһ. – 5 тыһ. солкуобайга дылы, дуоһунастаах сирэйдэргэ 10 тыһ. – 30 тыһ. солкуобайга дылы, юридическай сирэйдэргэ 40 тыһ. – 80 тыһ. солкуобайга тиийэр. 

Сири алдьатыы, буортулааһын тахсыбыт тугэнигэр, административнай ыстыраабынан эрэ муҥурдаммакка, сокуон кэһиллибит сирин чөлүгэр түһэрэргэ анал үлэлэри ыытарга болдьох  бэриллэр. Итини барытын толорорго элбэх үп-харчы баранар. Маны таһынан, Российскай Федерация тулалыыр эйгэҕэ уонна айылҕа ресурсатын министерстватын 08.06.2010 с. 238 №-дээх бирикээһинэн олохтоммут анал методиканнан суоттаан, Российскай Федерация сокуонун кэһии түмүгэр сиргэ оҥоһуллубут хоромньуну, харчыга таһааран төлөтүү булгуччулаах ирдэбил буолан турар.

Холобур, 1 кв миэтирэ иэннээх тыа хаһаайыстыбатын сириттэн, быйаҥы биэрэр үрүт араҥатын алдьатан кыһан ылан тиэйбит буоллахха, харчыга тахсыбыт суммата 800 солкуобай буолар. Онтон алдьатыы иэнэ улахан буоллаҕына хоромньу оҥоһуллубут сууммата хас да мөлүйүөҥҥэ тиийиэн сөп. 

Манна даҕатан эттэххэ, Россельхознадзор Саха Сиринээҕи управлениетын 2018 сыллааҕы үлэтин түмүгүнэн  Мэҥэ-Ханалас уонна Чурапчы улуустарыгар ООО «Мостостроительная компания» уонна ООО «Стройдор» диэн суол оҥорор тэрилтэлэр тыа хаһаайыстыбатын сириттэн көҥүлэ суох буор хаһан ылбыт буруйдара дакаастанан, тыа хаһаайыстыбатын сиригэр 52 мөлүйүөн сууммалаах хоромньуну боруостуур туһунан модьуйуу ыытыллан турар.

Сири алдьатыы тэрилтэлэр эрэ өттүлэриттэн тахсыбат, чааһынай дьоннор саҥа дьиэлэрин олбоҕун үрдэтээри, оҕуруот үлэтигэр туһанаары, уһаайбаларын көҕөрдөөрү тыа хаһаайыстыбатын сирдэриттэн сокуону кэһэн туран, көҥүлэ суох, сир үрүт араҥатын түөрэн ылаллара баар суол. Россельхознадзор инспектордара сыл ахсын биирдиилээн дьону сир алдьаппыттарын иһин административнай эппиэтинэскэ тардаллар уонна бу сири чөлүгэр түһэттэрэллэр.

Сири көҥүлэ суох алдьатан ылыах иннинэ бу суруллубуту толкуйдаан көр.

Источник: Юрий Матвеев Россельхознадзор Саха Сиринээҕи управлениетын  сири хонтуруоллуур отделын инспектора.  
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ