Сайдыы суола сомоҕолоһууга сытар

Бу күннэргэ Москва куоракка дойдубут Бэрэсидьиэнэ Владимир Путин көҕүлээһининэн «Төрүт дойду — Арассыыйа күүһэ» бүтүн Арассыыйатааҕы муниципальнай форумҥа улууспут дэлэгээссийэтэ буолан кыттыыны ыллыбыт.

Олохтоох бэйэни салайыныы үлэтигэр үөрүйэхтэри үллэстэр, үлэни сөптөөхтүк тэрийиини ырытыһар төгүрүк остуолларга санаа атастастыбыт, элбэх саҥаны биллибит.

Дойдубут лиидэрэ Владимир Путин бэйэтин этиитигэр нэһилиэнньэ олоҕо тупсарыгар, баар кыһалҕалар быһаарыллалларыгар быһаччы дьону кытта үлэлиир муниципальнай былаас үлэтэ улахан оруоллааҕын бэлиэтээн туран ситиһиилэри баҕарда.

Сайдыы суола сомоҕолоһууга сытар. Түмсүүлээх буоллахпытына, Ийэ дойдубут туһугар кэскиллээх үлэ тэриллэр итиэннэ үтүө түмүктээх буолар. Онон бу курдук норуоттар доҕордоһууларыгар болҕомто ууруллан, саҥа соруктары ылынарга тирэх буолар дойду биир бастыҥ тэрээһинэ буолан ааста.