«Сахачай» хампаанньа чэй көрүҥүн билиһиннэрэр

Бүгүн Ийэ тылбыт күнүгэр «Сахачай» хампаанньа чэй көрүҥүн билиһиннэрэр.

Бу сорт 2017 сыллаахха анаан-минээн «Айыы кыһатыгар» махтал, таптал бэлиэтин быһыытынан оҥоһуллубута.

«Айыы кыһата» чэй бу оскуола урукку, билиҥҥи уонна кэлэр кэмин үөрэнээччилэрин аатын ааттатарга анаммыта. «Кучу-чэй сэбирдэҕин хомуйааһыҥҥа, хатарааһыҥҥа көмөлөһүҥ!» диэн ыҥырыыбытын биир бастакынан «Айыы кыһатын» оҕолоро ылыммыттара. Кинилэр сабыс-саҥа тэриллэн эрэр салааҕа — маҥнайгы чэйи оҥорон таһаарыы ураты үлэтигэр төһүү күүс буолбуттара. Ол үлэ, ол саҕалааһын түмүгүнэн, билигин биһиги чэйбит «Аан Дойдуга саамай хотугу чэй» диэн ааты чиэстээхтик сүгэр.

«Айыы кыһата» оскуолаҕа уһуйуллубут буоланнар, бу оҕолор ханнык да уустук үлэттэн толлон турбаккалар, айан-тутан барбыттара. Кинилэр ийэ-айылҕаҕа, төрүт үгэстэргэ харыстабыллаах, ытыктабыллаах сыһыаннарын, ону тэҥэ туох-баар саҥаҕа, сайдыыга бэлэмнэрин, аныгы олох тэтиминэн тэҥҥэ хаамсан иһэллэрин тоһоҕолоон бэлиэтиэм этэ.

Если вы увидели интересное событие, присылайте фото и видео на наш
Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх