Саха театра: “Үйэлэри уҥуордаан…”

Былатыан Ойуунускай аатынан Саха театра олунньу 2 күнүгэр, 18:00 ч. драматург Дмитрий Наумов пьесатынан “ҮЙЭЛЭРИ УҤУОРДААН ” испэктээкилгэ ыҥырар.

🎭Сүүрбэһис үйэ саҥатыгар Саха сирин автономиятын олохтоспут саха норуотун чаҕылхай уолаттара биэс этилэр: Максим Аммосов, Платон Ойуунускай, Исидор Барахов, Степан Аржаков, Степан Васильев. Умнуллубут ааттары төнүннэрии чэрчитинэн турбут “Үйэлэри уҥуордаан…” испэктээкилгэ саха чулуу уолаттарыттан биирдэстэрэ, уһулуччулаах судаарыстыбаннай диэйэтэл Степан Аржаков саха норуотугар оҥорбут сүҥкэн суолталаах кылгас эрээри чаҕылхай олоҕо көстөр. Сүрүн оруолу толорор Саха театрын кэскиллээх артыыһа Алдан Готовцев.

Саха театрын сценатыгар архыып докумуоннарын чахчылара тиллэн кэлэллэр: автономия олохтонуута, гражданскай сэрии сыллара, тунгуускай бастаанньа, бырамыысыланнас бастакы хардыылара. Ити барыта сахатын норуотун сайдыытыгар олоҕун анаабыт, саха бастакы үөрэхтээхтэриттэн биирдэстэрэ Степан Аржаков автономияттан саҕалаан репрессия ыар тыыныгар былдьатыар диэри кэмэ биэс салаалаах сулустан биирдэрэ буолан дьон-сэргэ болҕомтотугар аан бастаан тахсар. Туруорааччы, Саха театрын сүрүн режиссера Руслан Тараховскай: “Норуот устуоруйата кырдьыгынан кэпсэниэхтээх. Билигин Саха сиригэр автономия олохтонуутугар биэс киһи тэҥҥэ үлэлээбитин билэбит. Ол сиэринэн өр кэмҥэ киэҥник биллибэтэх Степан Аржаков аата тиллиэхтээх, дьоҥҥо-сэргэҕэ төннүөхтээх,” – диэн этэр.

🎭Режиссер Руслан Тараховский

Билеты уже в продаже https://iframeab-pre5643.intickets.ru/seance/49987245 от 500 рб