АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
-10
Ясно
КУРС ВАЛЮТ
Курс ЦБ
$  64.50
 72.92
18+
ЛЕНТА НОВОСТЕЙ
Архив новостей
Сахалыы
3 декабря 2018, 16:50
2071

Саха поэта Иван Горнай сүрэҕэ тохтоото

Бэҕэһээ, ол эбэтэр 2018 сыл ахсынньы 2 күнүгэр, 12 чаас 30 мүнүүтэҕэ поэт, публицист, учуутала, сахалартан бастакы тифлопедагог, көрбөттөргө аналлаах сахалыы алпаабыт ааптара, СӨ “Гражданскай килбиэн” бэлиэтин кавалера, СӨ үөрэҕин туйгуна, СӨ култууратын үтүөлээх үлэһитэ, Суруйааччылар сойуустарын дойдулар икки ардыларынааҕы түмсүүтүн, СӨ Суруйааччыларын сойууһун, “Саха сирин суруйааччылара” холбоһук чилиэннэрэ, Иван Николаевич ЕГОРОВ-Иван ГОРНАЙ  уһун, ыарахан ыарыыттан 83 сааһыгар сүрэҕэ тохтоото.

Панихида сарсын 11 чаастан “Араҥаска”, Дежнёв аатынан уулусса, 39/3 нүөмэрдээх дьиэтигэр, буолар. 

Поэты өйүүн, дойдутугар илдьэн, көмүс уҥуоҕун төрөөбүт ийэ буоругар кистиэхтэрэ.

Иван Николаевич ЕГОРОВ-Иван ГОРНАЙ  1935 с. бэс ыйын биэс күнүгэр Горнай оройуонун Ньурбаҕанчына нэһилиэгэр элбэх оҕолоох дьиэ кэргэҥҥэ төрөөбүтэ. 1943 с. Өрт сэттэ кылаастаах оскуолатыгар үөрэнэ киирбитэ, ол эрээри, бэһис кылааска хараҕынан ыалдьан хаалбыта уонна биэс сыл устата дьиэтигэр олорорго күһэллибитэ. 1952 эрэ сыллаахха оччолорго Мэҥэ Хаҥалас Доллутугар баар мөлтөх харахтаах, көрбөт оҕолор оскуолаларыгар, соҕотоҕун айаннаан тиийэн, салгыы үөрэнэр дьолломмута. Орто оскуоланы 1958 с. Бэрдьигэстээххэ Горнай оройуонугар бастакынан кыһыл көмүс мэтээлинэн бүтэрбитэ уонна ол сыл Ленинградтааҕы Герцен аатынан пединститукка үөрэнэ эмиэ соҕотоҕун айаннаабыта.

Идэтинэн математика учуутала, сахалартан бастакы тифлопедагог. Көрбөттөргө аналлаах сахалыы алпаабыт ааптара. СӨ “Гражданскай килбиэн” бэлиэтин кавалера. СӨ үөрэҕин туйгуна. СӨ култууратын үтүөлээх үлэһитэ.

Суруйааччылар сойуустарын дойдулар икки ардыларынааҕы түмсүүтүн, СӨ Суруйааччыларын сойууһун, “Саха сирин суруйааччылара” холбоһук чилиэннэрэ, поэт, публицист.

Источник: "Курулгэн".
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
21.03.2019, 11:11
Политика
Эксклюзив
Три Триумфа
ПОСЛЕДНИЕ МАТЕРИАЛЫ