Республика ыар сүтүктэннэ…

Республикатааҕы Оһуокай уопсастыбатыгар сүтүктэннибит. РФ физическэй спорка уонна культураҕа үтүөлээх үлэһитэ, Саха АССР норуотун хаһаайыстыбатын үтүөлээх үлэһитэ, 9 улуус бочуоттаах гражданина, Дьокуускай куорат бочуоттаах гражданина, Саха сирин Аар Дархан оһуокай этээччитэ Алексеев Афанасий Егорович бу дьыл кулун тутар 1 күнүгэр бу орто дойдуттан букатыннаахтык суох буолла. Афанасий Егорович республикаҕа государственнай, общественнай деятель быһыытынан киэҥник биллэр.1970-1986 сылларга САССР спорка комитетын бэрэссэдээтэлинэн, ССКП обкомун инструкторынан, Дьокуускай куорат горисполкомун бэрэссэдээтэлин солбуйааччынан, Холбос потребсоюз председателин солбуйааччынан үрдүк таһаарыылаахтык үлэлээбитэ. 1968 сыллаахха Баһылай Манчаары аатынан тыа сирин спартакиадатын биир бастакынан тэрийбитэ. 1985 сыллаахха тустууга ССРС 41- с чемпионатын Дьокуускай куоракка үрдүк таһымнаахтык ыыттарбыта.

Афанасий Егорович үрдүкү дуоһунастарга үлэлии сылдьан оһуокай сайдыытыгар, тэриллиитигэр салайааччы быһыытынан улахан олугу уурсубут салайааччы буолар. 1987 сыллаахха Дьокуускай горисполкомун председателин солбуйааччытынан үлэлии олорон, Оһуокай куораттааҕы уопсастыбата   тэриллэригэр  олук уурбута,пааркаҕа Оһуокай ыытылларыгар миэстэ бэрдэрбитэ. Тэрийсээччи,салайааччы буоларын сэргэ,кини уһун тыыннаах,хомоҕой хоһоонноох этээччи быһыытынан,бочуоттаах сынньалаҥҥа олорон,айар талаана хоннохтоохтук арыллыбыта. 2013 сыллаахха Үс Хатыҥ ыһыаҕар саамай бастыҥ,кылаан ааты ылан массыынанан бириэмийэлэммитэ. Олоҥхо ыһыахтарыгар 2018 сыллаахха Алдаҥҥа кылаан этээччи,2022 сыллаахха Үөһээ Бүлүүгэ дархан этээччилэр бастыҥнарын аатын ылбыта. 2022 сыллаахха Оһуокайга Ил Дархан бастакы олохтоммут стипендиаттарыттан биирдэстэрэ буолар.2023 сыллаахха республикаҕа Оһуокай күнэ ааттанарыгар турууласпыт этээччилэртэн биирдэстэрэ буолар.
Улуу киһибит Афанасий Егорович үрдүк аатыгар 2023 сыллаахха Үс Хатыҥ Оһуокайга республикатааҕы көрүү күрэх кини аатыгар ананан ыытыллыбыта. Бу сыл АЛРОСА компанията саамай улахан караттаах алмааска Афанасий Егорович аатын иҥэрбитэ.
Күндүтүк сүгүрүйэр аҕа табаарыспыт, Аар Дархан этээччибит А.Е.Алексеев саха Оһуокайа бар дьону сомоҕолуур күүстээх, онон саха аатын үрдүктүк ааттатыаҕа диэн мэлдьи этэр, ол туһугар турууласпыт дьоммутуттан биирдэстэрэ буолар.
Күндү улуу убайбыт, Афанасий Егорович! Уһун дьылларга быраһаай, сымнаҕастык, олоххун анаабыт куораккар Дьокуускайга уһуннук утуй.
Саха республикатын Оһуокай түмсүүтүн бэрэссэдээтэлэ Александр Данилов-Дьулуур Хаан, Оһуокай Дархаттарын сүбэтэ, Оһуокай түмсүү сүбэтэ.

1 марта 2025 года стало известно о кончине Алексеева Афанасия Егоровича, выдающегося деятеля в области физической культуры и спорта. Он ушел из жизни после продолжительной болезни. Афанасий Егорович был заслуженным работником физической культуры Российской Федерации, а также заслуженным работником народного хозяйства Якутской АССР.

С 1976 по 1986 год он занимал должность председателя Спорткомитета Якутской АССР, внеся значительный вклад в развитие спорта в регионе. Одним из его ключевых достижений стало основание Спартакиады Манчаары, которая стала важным событием в спортивной жизни Якутии и продолжает проводиться по сей день.

Его уход — это большая потеря для спортивного сообщества и всех, кто знал его как преданного своему делу человека, настоящего лидера и вдохновителя. Память о нем навсегда останется в сердцах коллег, друзей и всех, кому он помогал и вдохновлял, пишет Минспорт Якутии