Оскуолаҕа киирэ илик саастаах оҕону төрөөбүт тылынан иитии-үөрэтии  

Сэтиньи 23 күнүгэр саха тылын, литературатын уонна култууратын учууталларын

II өрөспүүбүлүкэтээҕи сийиэһин чэрчитинэн «Оскуолаҕа киирэ илик саастаах оҕону төрөөбүт тылынан иитии-үөрэтии түһүлгэтэ»  аһаҕас кэпсэтиьии буолан ааста. Кэпсэтиһиигэ кыттыыны ыллылар 61 эрөспүүбүлүкэ дьыссааттарын, анал үөрэх тэрилтэлэрин педагогическай улэһиттэрэ. 

Түһүлгэни Ольга Иннокентьевна Михалева, педагогичексай наука кандидата, С.Н.Донской-II  аатынан Үөрэҕи сайыннарар уонна идэни үрдэтэр үнүстүүт дириэктэрин солбуйааччыта эҕэрдэ тылынан арыйда.

Саха Өрөспүүбүлүкэтин Үөрэх уонна наука министерствотын аатыттан съезд саҕаламмытын Туяра Николаевна Васильева, министерство сүрүн специалиһа, киирии тылыгар туоһулаата.

Татьяна Ивановна Никифорова, педагогичексай наука кандидата, М.К. Аммосов аатынан ХИФУ Педагогическай институтун  доцена, кэпсэтии сүрүн хайысхаларын сырдатта.

Аһаҕас кэпсэтииһиигэ дьыссааттар үлэлэрин уопуттарын көрдөрдүлэр, кэпсээтилэр.  Ол курдук кэпсэтиһии ырытыһар боппуруостара киэҥ буолла: аныгы

-уларыйа турар, глобализация күүскэ киирэр кэмигэр олоҥхону тирэх оҥостон оҕону иитии тула;

-о5ону төрөөбүт айыл5атыгар сөп түбэһиннэрэн, алтыһыннаран норуот тылынан уус –уран айымньытыгар сыһыаран, дьыл, кэм – кэрдии хаамыытынан салайтаран, ол аата о5ону төрүт үгэскэ оло5уран иитии — үөрэтии, уһуйуу туһунан;

-нууччалыы тыллаах дьыссааттарга, бөлөхтөргө сылдьар саха оҕолорун төрөөбүт тылларыттан тэйиппэт туһугар туох уларытыыны киллэрии нааданый диэн.

«Кустук» бырагыраама иитээччилэргэ методическай көмө, ыйынньыктарын, босуобуйаларын тула уонна да атын темалары ырытыстылар. Кэпсэтиһии сүрүн чааһынан буолла оҥоһулла сылдьар Кэнсиэпсийэгэ оскуола иннинээҕи саастаах оҕолору иитии-үөрэтии төрүттэрэрин, ону быһаарар суоллары ырытыһыы.

Ырытыһыыны Ольга Иннокентьевна Михалева,  Татьяна Ивановн Никифорова салайан ыыттылар.

Үлэ түмүгүнэн ылыныллыбыт быһаарыылар Резолюция буолан Сийиэс докумуоннарын ылыыга ыытыланна.

Татьяна Колмогорова. оскуола иннинээҕи үөрэҕирии  кафедратын учуутала