Оһуокай эдэригэр түһэр

Саха сирин Ил Дархана А.С.Николаев 2023 сыллаахха балаҕан ыйын 7 күнүгэр республика үрдүнэн Ыам ыйын 25 күнүн «Оһуокай күнэ» диэн биллэрбит ыйааҕа тахсан Саха норуотун барытын үөрдүбүтэ, астыннарбыта. Оһуокайы сайыннарыыга государственнай программаны ылыныыга Саха сирин  Правительствотын дьаһала тахсан, быйыл дойду үрдүнэн улуу Кыайыы 80 сылынан уонна Саха сирин Аар Дархан этээччитэ  С.А.Зверев- Кыыл Уола төрөөбүтэ 125 сылыгар анаан 18- тан — 35 диэри саастаахтарга республикатааҕы ыччат оһуокайын күрэҕин тэрийии  СР Правительствотын дьаһалынан бигэргэннэ (С.В.Местников).

Ытык оһуокай ыытыллар күннэрэ улуустарга, тэрилтэлэринэн муус устар 7 күнүттэн ыам ыйын 22 күнүгэр диэри.

I — түһүмэх муус устар 7 күнүттэн – 27 күнүгэр диэри улуустар бэйэлэрин истэригэр ыытыллар.

II – түһүмэх ыам ыйа 5 күнүттэн – 15 күнүгэр диэри улуустар бэйэлэрин истэригэр бастакы түһүмэх кыайыылаахтара кытталлар.

III – түһүмэх ыам ыйа 21 – 22 күннэригэр Дьокуускай куоракка финал, иккис түһүмэх кыайыылаахтара.

 Күрэх тэрийэччитинэн уонна үбүлээһинин ыытааччытынан СР култураҕа уонна духуобунаска министерствота (А.И.Ноев) бигэргэннэ. Манна эбии үөрэх(Н.А. Соколова), ыччат (И.В. Юргин), сайдыы инновациятын (В.В. Ефимов) министерстволара сүрүн тирэх буолуохтара. Министерстволары сэргэ республикатааҕы норуот айымньытын киинэ (С.С. Семенов), НВК Саха (О.О.Марков), республикатааҕы Оһуокай түмсүүтэ (А.Д. Данилов) үлэлэһиэхтэрэ.

Күрэх түһүмэхтэринэн ыытыллыытын республикатааҕы норуот айымньытын киинэ улуус дьаһалталарын кытары сүрүннэһэн үлэлиэҕэ. Улуустартан талыллыбыт кыайыылаахтар үһүс түһүмэххэ Дьокуускай куоракка ыам ыйын 21-22 күннэригэр Суорун Омоллоон аатынан опера уонна балет тыйаатырыгар ыытыллыаҕа. Күрэх түмүгүнэн бастакы степеннээх лауреат 120000 солк, иккис степеннээх лауреат 100000, үһүс степеннээх лауреат 80000 солк наҕараадаланыахтара ону таһынан саҕалааччылар диэн туспа эмиэ күрэх буолар ол түмүгүнэн бастакы степеннээх лауреат 100000 солк., иккис степеннээх лауреат 80000 солк., үһүс степеннээх лауреат 60000 солк. наҕараадаланыахтара.

  Күндү ыччаттарбытын Кыайыы 80, С.А.Зверев-Кыыл Уола төрөөбүтэ 125 сылларыгар ананар республикатааҕы көрүү күрэххэ көхтөөхтүк кыттаргытыгар ыҥырабыт!

Мантан кыайбыттар Саха сирин төрүт култууратын атын дойдуларга көрдөрө  барыахтара.