Оһуокай аата үйэлэргэ сүппэтин


Оһуокай уопспстыбатыгар конференциянан төрдүс төгүлүн ананан үлэлии сылдьар ,Оһуокай түмсүү бэрэссэдээтэлэ Александр Джурович Даниловтан кэккэ ыйытыыларга санаа атастастыбыт.
Эйигин ийэҥ Анна Семеновна өттүнэн улахан олоҥхоһут төрүттээх диэн истибитим. Хаан тардыытынан эн да утумнаатаҕыҥ дии?
Ийэм өттүнэн саха дьонугар үтүө ааттарынан биллэр удьуордаахпыт. Бороҕон улууһугар Сахаар Куобарап диэн улууһу салайан олорон ааспыт кулуба  Сахаар Куобарап,оттон удьуор хаан улуу олоҥхоһуттар Миитэрэй Куобарап, Ньукулай  Сахаарабыс эмиэ олоҥхоһут эбит. Онон олоҥхоһуттар хос сиэннэрэ буолабын.

Аҕам Дьулурҕа Яковлевич улуу суруйааччыбыт П.А.Ойуунускай хаан уруу аймаҕа. Эһэм улуу Ойуунускайтан үөрэнэн саахымаччыт,онтон ол көлүөнэ ахсын утумнаммыта.Онон да    сэдиптээн,биитэр тэрийэр дьоҕурдаах диэн эбитэ дуу,урукку бэрэссэдээтэл  А.И.Кривошапкин миигиттэн утум тутуоҥ дуо диэн тыл киллэрэн,оһуокайдьыттар итэҕэллэрин төрдүс төгүлүн ылан,конференциянан талыллан бэрэссэдээтэлбин. Мин бастатан туран,Ил Дархан оһуокайга туруорар сүрүн хайысхатын олоххо киллэриигэ үлэлиибин. Урут талылларбар да,билигин да уопсастыбам чилиэннэрин этиилэрин истэбин,ону сөптөөҕүн көрөн олоххо киллэрэ сатыыбын.
Бастатан туран,үйэтитиигэүгүс Дархан этээччилэр кинигэлэрин үбүлээһиҥҥэ,бэчээттээһиҥҥэ үлэлэһэбин. Оһуокай уопсастыбатыгар сыһыаннаах хас да кинигэлээхпит.

Үҥкүү тылын этээччи сайдарыгар кыах биэрэ сатыыбын. Үтүөлээх этээччи,дархан,аар дархан этээччи диэн ааттары уопсастыба иһинэн бигэргэппиппит. Манныкка этээччи маастарыстыбата үрдүүр.
Куорат мээрийэтин,паарка салалтатын кытары үлэлэһэн,куорат пааркатыгар Оһуокай скверин аспыппыт. Манна этээччилэр хаартыскалара үҥкүүлүүр сквергэ сыһыарыллан турара,дьон болҕомтотун тардар.
Хас да сыллаах туруорсуубут олоххо киирэн,быйыл Ил Дархан анал ыйааҕынан Оһуокай күнэ биллэрилиннэ.
Дьэ биир сүрүн боппуруоһу ыйытабын. Ил Дархан стипендиятыгар түһэрбит оһуокайдьыттаргыт бары ааһаллар дуо?
Ааспыт сылга аҕа саастаах этээччилэри сэргэ,үлэлии хамсыы,Оһуокай уопсастыбатыгар саамай көхтөөх,сүрэхтэрин сылааһынан үлэлэһэ,этэ сылдьар икки этээччибин аһарбатахтара. Быйыл эмиэ ол эмиэ хатыланна. Дьиҥэ,оһуокай уопсастыбата бииргэ алтыһа сылдьар дьоно хайдах этэллэрин,күрэхтэргэ ситиһиилэрин,бэйэлэрин уопсастыбаларыгар үлэлэһэр дьону биһиги түһэрэбит. Кэнники сылларга Нам уонна Мэҥэ Хаҥалас улуустарыгар Оһуокай уопсастыбатын филиалын үлэтэ биллэ сэргэхсийдэ. Аҕа саастаах этээччилэри сэргэ эдэр көлүөнэ утуму тутта. Бу улуустарга Дархан этээччилэрбит Валентин Хорунов,Станислав Иванов  улахан хамсааһыны таһаардылар. Нам улууһун киинигэр Намҥа Оһуокай күнэ анаан ыытыллар буолла. Онон инники өттүгэр уопсастыба түһэрбит этээччилэрэ ханнык да түгэҥҥэ аккаастаныллыа суохтаах.
Бар дьоммун өрөбүл ахсын
Арчыга оһуокайга ыҥырабын.Александр Джурович этиитигэр эбэн эттэххэ,Оһуокай сайдыытыгар биир чаҕылхай салайааччыбыт буолар. Кэскиллээх былааннара олоххо киириэ диэн эрэнэбит.

Добавить комментарий

Заполните все поля и подтвердите номер телефона

Подтвердить смс Подтвердить Телефон подтвержден, вы можете отправить комментарий!

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх