Норуодунай суруйааччы Наталья Михалева-Сайа  оҕолорго анаммыт маҥнайгы айымньыта таҕыста

«УЛУУ ТЫМНЫЫ ОҔУҺА» диэн өбүгэ номоҕо аныгы үйэлиин силлиспит үһүйээн-остуоруйата кыһыҥҥы бытархан тымныыга күн сирин көрдө. 

Аан дойдуга саха эрэ омук уус-уран айымньытыгар «Дьыл оҕуһа» эбэтэр «Тымныы оҕуһа» диэн ураты дьүһүлгэн баар. Тымныы оҕуһа Хотугу Муустаах байҕалтан тахсан кыыдааннаах кыһыны Саха сиригэр аҕалар диэн итэҕэйэбит. Оттон кини муостара булгу барарын, халлаан сылыйан саҕалыырын бары кэриэтэ күүтэбит. Бу остуоруйаттан оҕолоргутунаан «Аар айылҕа үйэлэргэ олохтообут сиэрэ кэһиллиэ дуо» диэн ыйытыыга хоруйдары булуоххут, сахалыы тыыны иҥэриниэххит. 

«УЛУУ ТЫМНЫЫ ОҔУҺА» остуоруйа саҥа дьыллааҕы уһун сынньалаҥҥа оҕолоргутун кытта истиҥ киэһэлэри бииргэ атаарарга тоҕоостоох бэлэх буолуоҕа. 

 «Айар» кыһаҕа тахсыбыт саҥа кинигэ ахсынньы 12 күнүгэр Өрөспүүбүлүкэтээҕи медиа кииҥҥэ, Бэчээт дьиэтигэр  сүрэхтэннэ. Тэрээһиҥҥэ сылдьыбыт дьон-сэргэ алыптаах дойдуга ыалдьыттаабыттыы сананнылар, остуоруйаны сэргээтилэр, санааларын үллэһиннилэр. Тэрээһин толору видеотын манна көрүҥ. 

Кинигэни «Айар» бары маҕаһыыннарыттан эбэтэр Айар интернет-маҕаһыыныттан атыылаһыҥ https://ayar.ru/catalog/knigi/detyam_i_roditelyam/detskaya_khudozhestvennaya_literatura/uluu_tymnyy_o_u_a/?sphrase_id=79319

erid: 2VtzqvsTLxj