Москваҕа — историческай түгэн!

Москваҕа — историческай событие!
Саха АССР 100 сылын бэлиэтиир тэрээһиҥҥэ П. Чайковскай аатынан консерватория үрдүк сыанатыгар аан бастакынан ох саа-кыл бэйэтин нүһэр тыаһын иһитиннэрдэ. Бу туһунан Саха сирин композитордарын Сойууһун бэрэссэдээтэлэ Николай Михеев долгуйа бэлиэтээтэ. Көрөөччүлэр ох саа-кыл диэн сөҕүмэр сөҥ тыастаах үстүрүмүөнү оҥорбут, үйэлэри туораан кэлбит саха дорҕоонун тыыннаах илдьэ кэлэн сөхтөрбүт Руслан Габышевы күүстээх ытыс тыаһынан уруйдаатылар. Дойдуларыттан тэйэн сылдьар Саха сириттэн төрүттээх дьону куттарын түгэҕэр сөҥөн сытар алаас ахтылҕана уйадыта аймаата. Уруй Руслаҥҥа! Махтал маастарга! Билиҥҥи кэмҥэ дьону маннык долгутар, соһутар, куту аймыыр дорҕоон баарыгар. Саха дьиҥнээх дорҕоонун тилиннэрбитигэр. Ол туһугар күнүс-түүн сынньаммакка саҥаттан саҥа үстүрүмүөн айан, саҥаттан саҥа дорҕоон көрдөөн күүһүн-күдэҕин уурарыгар, саха төрүт музыкальнай үстүрүмүөнэ сайдарыгар сүҥкэн кылаатын киллэрэригэр.