Маннык кэрэ кэмҥэ ким ыллаабат-туойбат  буолуоҕай…

Сааскы кэммит эргийэн

Сылаас сиккиэр  илгийдэ…

Хоһоон тыла  хойдуо ини,

Ырыа буолан  дайыа ини,

Сылаас сырдык сырдыа ини

Сахам дьонун кууһуо  ини!

    Маннык кэрэ кэмҥэ ким ыллаабат — туойбат  буолуоҕай, маннык  үтүө  түгэҥҥэ  ким  үөрбэт — көппөт буолуоҕай?  Любовь Шишигина тэрийиитинэн түмсүөҕүҥ биир түһүлгэҕэ.  Бу  дьоро  киэһэҕэ  Любовь Каратаева салайааччылаах  «Дьээ — буо»  этно-фолк бөлөх  урукку, билиҥҥи  ырыаларыгар уйдаран,  айылҕа  тыыннаах  дорҕооннорун бэлэхтиир үтүө  түгэн  тосхойбутугар  үҥкүүлээн эдэр сааспытын, ааспыт кэм ахтылҕанын саныаҕыҥ!