Миигин үөҕэр, куһаҕанныыр, ырытар сахам дьонугар илдьиппин ыытабын🤗
Бастатан туран Саха киһитин сиэринэн, дорооболоруҥ!
Бэйэм туспунан сэгэтэр буоллахха.
Мин олус холку, кыраттан кыыһырбат, дьону кытта иирсэ, охсуһа, аахса сылдьар киһи буолбатахпын.
Бу 55 сааспар диэри кими да кытта иирсибэххэ кэллим!
Арай, олох харахтаан да көрбөтөх, кулгаахтаан да истибэтэх дьонум, миигин талбыттарынан үөҕэллэрин, куһаҕанныылларын, ырыталларын истэбин. Сэниэлэрэ эстиэр, харахтара, доруобуйалара мөлтүөр, хондуруостара көбүөр диэри миигин ырыталлар. Мин харамааммын ааҕаллар🤣🤣🤣🤣иллэҥнэрэ бэрдиттэн сөҕөбүн. Истэ, истэ күлэбин 🤣🤣🤣
Оо мин тириибэр киирэн олороргут буоллар, хас киһи тулуйуо эбиккит буолла?!
Ээ мин холкубун🤗 Айаннаабытым курдук, айанныыбын, көппүтүм курдук, көтөбүн. Олорбутум курдук, олоробун. Ньиэрбэбин туохха да сиэппэппин. Үрдүк Айыыбар махтанабын! Миэхэ маннык холку майгыны биэрбитигэр🙌🙌🙌🙌
Күндү миигин үөҕэр, ырытар сахам дьоно🤗
Мин эһигини таптыыбын. Эһиги дьоллоох, доруобай буолуоххутун баҕарабын!
Эһиги дьиэҕит иһигэр үөрүү-көтүү эрэ баар буолуохтун! Оҕолоргут дьоһун дьон буола улааттыннар! Бука бары доруобай буолуҥ! Алгыс баһа сыаланнын✊✊✊✊
Биири көрдөһөбүн🙏🏻
Миигин ырытан, үөҕэн бүтүҥ🤗
Хаалбыт күннэрбин харыстааҥ! Букатын кэлбэтэхпитин өйдөөҥ!
Мин үчүгэйбин, эн куһаҕаҥҥын дэсиһэн бүтүөҕүҥ! Бары соҕотох кэлбиппит, соҕотох төннөбүт! Хараҥаттан кэлбиппит, хараҥаҕа барабыт! Бары биир сиргэ, ииҥҥэ көрсүһэрбитин умнумаҥ!
Мин эһигини билбэппин, эһиги миигин билбэххит, миигин кытта алтыспатаххыт, утуйбатаххыт, айаннаспатаххыт, аһаспатаххыт, сэһэргэспэтэххит!
Бэйэҕит дьиэҕит, тэлгэһэҕит иһин кыайа тутуҥ, сылаастык, ыраастык олоруҥ👍
Бу сыллар тухары сылайбакка ырыттыгыт, үөхтүгүт.
Мин онтон туох да буолбаппын, хата барыта өссө сатанан, тобуллан иһэрэ миигин үөрдэр🙏🏻🙏🏻🙏🏻
Ити барыыр сэниэгитин, бэйэҕит тускутугар, оҕолоргутун, сиэттэргитин иитиигэ, үчүгэйгэ туһаныҥ!
Биири, олох өйдүү иликкит!
Былыргы өбүгэлэрбит хаалларбыт өс хоһоонноро, элбэҕи этэллэр.
«Хантайан туран силлээмэ, хараххар түһүө» бу тугу этэрин өйдөөтүгүт ини.
«Аттаах киһи бара турар, ыт үрэ хаалар» бу эмиэ элбэҕи кэпсиир.
«Көтүппүт тылыҥ, истиэнэттэн тэйэн бэйэҕэр, ыччаккар кэлэрин умнума! » бу да элбэҕи толкуйдатар.
«Дьиэҥ иһигэр кэпсэппитиҥ, барыта истиэнэҕэр хаалар» дьиэҥ иһигэр баар ыччаттаргытын харыстааҥ!
Бу өс хоһоонноро, киһини элбэххэ үөрэтэллэр.
Биирдэ олорор олоххо, туора дьону тыыппахха, бэйэҕит тускутугар быр бааччы олоруҥ, айыҥ-тутуҥ!
Хас биирдии киһи, олоҕун бээтэ оҥостор! Эн олорор олоххор ким да буруйа суох! Барытыгар хардыыны, эн бэйэҥ оҥороҕун! Ким да, эн иннигэр сүүрбэтин өйдөө! Бу олох барыта, бэйэҥ илиигэр!
Туох эмит сыыһаны, хомотор тылы суруйбут буоллахпына, алы кынаарыҥ дуу🙏🏻
Мин эһигини өс туппаппын!
Барытын өйдүүбүн, киһиэхэ, икки күүс баар. Сырдык күүс, хараҥа күүс! Хараҥа күүс баһыйбыт буоллаҕына, ис туругуҥ куһаҕаны таһаарар, куһаҕаны этиттэрэр, куһаҕаны оҥотторор, куһаҕаны саҥардар! Дьон ситиспитин, кыайбытын, үчүгэйин, кыайан-тулуйан истибэт-көрбөт буолаҕын! Онуоха ол, хараҥа күүһү, хайдах кыайарга. Көмөлөһүөхпүн сөп.
Ити оҕо оонньуута буолбатах! Дириҥэттэххинэ, кэмигэр кыайбатаххына, бэйэҕин кыайа тутар күүстээх!
Күн киһитэ буолуҥ☀
Күн суолун батыһыҥ☀
Сырдыгы эрэ кэрэһэлээҥ☀
Болҕойон аахпыккытыгар, махтанабын!🤗
Өрүү, үөрүү-көтүү аргыстаах,
Кэрэни эрэ, өрө тутар!
Кыһалҕалаахха, илиитин уунар Клим Федоров.