Былатыан Ойуунускай аатынан Саха театра ыам ыйын 8-9 күннэригэр, 18:00ч. Улуу Кыайыы 79 сылынан Саха норуодунай суруйааччыта Миитэрэй Наумов пьесатынан “Сандаарар сарыал саллааттара” испэктээкилгэ ыҥырар.
Үөһээ Бүлүү улууһун Харбалаах нэһилиэгиттэн төрүттээх Ноттосов Николай Алексеевич дьылҕатын туһунан испэктээкилгэ сүрүн оруоллары эдэр кэргэннии артыыстар Владимир уонна Айталина Винокуровтар толоруохтара. Россияҕа биллэриллибит Дьиэ кэргэн сылынан эдэр артыыстар испэктээкилгэ бииргэ оонньууллара туруорууну ордук киэргэтэр, ураты тыынныыр 👏🏼👏🏼👏🏼
🎭 Эдэркээн сүрэхтэргэ кытыаста умайбыт күүстээх таптал Даайа уонна Ньукулай олохторугар маҥнайгы хаар кэриэтэ ыраас ыралары сахпыта. Былыта суох халлааҥҥа этиҥ эппитинии аан дойдуну атыйахтыы аймаабыт Аҕа дойду сэриитэ кинилэр бииргэ буолар дьылҕаларын огдолуппута. Уот сэрии толоонугар Даайыс күүстээх тапталын харысхал оҥостубут Ньукулай өлөр өлүү илиититтэн мүччү түспүтэ. Ол эрээри киһи аҥара буолан дойдутугар эргиллибит саллаат таптыыр доҕорун кытары бииргэ буолуо дуо?
🎭 Театр алыптаах эйгэтин сэгэтэр сынньалаҥ түгэҥҥитин мүччү тутумаҥ!
🎫 Билиэти ОНЛАЙН
https://sakhatheatre.ru сайтан атыылаһыҥ
🏛 Каасса күн ахсын өрөбүлэ, тохтобула суох 10:00-18:00 үлэлиир
☎Билсэр төл: 34-13-31, 89681505602
🎭 Театрга кэлиҥ, сылдьыҥ, маанылаах ыалдьыт буолуҥ!
