«Кэскил» оҕо кыһата: #Утумнааһын

Бүгүн  «Кэскил» оҕо кыһатын YouTube  каналыгар #Утумнааһын диэн рубрика күн сирин көрдө! Бу көлүөнэ утумнаах санаата. Биэрии ыытааччыта Анатолий Николаевич Павлов – Дабыл.  Оҥорон таһаарар айар коллективка Анатолий Николаевич төрөппүт кыыһа Ульяна Павлова, художник Петр Матвеев, оператор-монтажер Влад Потапов үлэлииллэр.

Анатолий Николаевич бу иннинэ «Кэскил» оҕо хаһыатыгар “Сээркээн сэһэн”,  “Дьулус”,  “Сайдыс”,  “Аман өс” онтон да атын оҕоҕо, төрөппүккэ аналлаах рубрикалары төрүттээбитэ. Сылтан сыл оҕо, киһи ылынар таһымыттан сиэттэрэн Анатолий Николаевич үлэтин хайысхата кэҥээн биэрэр. Бүгүн биһиги каналбытыгар тахсыбыт бастакы биэрии эмиэ ол тиһиги тутуһан, издательство үлэлиир хайысхатын сайыннарыы тирэхтээх олоҕун уурда.

Ханнык да төрөппүт оҕото бүтүн олоҕу олоруон ис сүрэҕиттэн баҕарар. Ол аата тугуй? Аан дойду сайдыылаах тэтимигэр БҮТҮН ОЛОХ суолтатын хайдах тиэрдэбит уонна оҕобутугар хайдах иҥэрэбит? Бу туһунан Дабыл сэһэнигэр кэпсэнэр.

Бастакы олук — Саҥ тардыыта. Саҥ тардыыта оҕоҕо өй-санаа төрдүн төрүөҕүттэн ыла олордуу дэнэр.  Бу оҕоҕо саҥаны этигэр-хааныгар иҥэрэр ньыма. Холобур, итииттэн харыстанарга “Тай” – диэн тыл баар. Былыргылар оҕо итии ууга, уокка буспатын диэн ити тылы тутталлара. Кинилэр биллибэтинэн-көстүбэтинэн итии луоскунан, эбэтэр уу тыынынан кыратык хаарыйан ылаллара. Оччоҕо кыра киһи тыл суолтатын өйдүүр буолар. Ылыммыт билиитин улааатыар диэри илдьэ сылдьар. Ити ньыма көмөтүнэн оҕо биириттэн сэттэ сааһыгар диэри кыһалҕатын этэр, тулатыттан сэрэнэргэ, харыстанарга  үөрэнэр. Ол саҥ тардыыта дэнэр.

Бу рубрика ис хоһоонунан, сааһыламмыт таһымынан оҕо иитиитин туһунан үгүс ыйытыыга хоруйдуоҕа дии саныыбын.  Биһиги доҕотторбутугар – эдэр ийэлэргэ, аҕаларга, эбэлэргэ, эһэлэргэ көмөлөһүөҕэ. Биллэн турар тиэрдиллэр ньымата судургутунан араас дойдуга олорор дьоммутугар-сэргэбитигэр эмиэ тиийиэҕэ.

YouTube каналбытыгар сурутуҥ! Санааҕытын үллэстин.

Если вы увидели интересное событие, присылайте фото и видео на наш
Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх