АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
-1
Слегка облачно
КУРС ВАЛЮТ
Курс ЦБ
$  63.96
 71.92
18+
ЛЕНТА НОВОСТЕЙ
Архив новостей
ААР АЙЫЫ ИТЭҔЭЛЭ
19 апреля 2014, 15:39
3949

КҮН ААЙЫ ҮРДҮК ТАҤАРАҔА ҮҤҮҮ-СҮҮГҮРҮЙҮҮ ДОММО

 

Үҥээччи:

 

— Үтүмэн үгүс

Үтүө ыйаахтаах

Үрүҥ Аар Тойон!

Күҥҥэ тэҥнээх,

Күлүктээх сиргэ олорботох

Күн Күбэй Хотун!

Ыллыннарыылаах ыйаахтаах,

Мүччүрүйбэт оҥоһуулаах

Одун Хаан!

Чыҥыс Хаан!

Орто Дойду дьонун

Олохторун дьылҕалыыр

Дьылҕа Тойон!

Аан Дойду Улуу Суруксута

Уһун Дьурантаайы Суруксут!

Айыы уотунан

Аан Дойдуну алыастыыр,

Уоттаах кыымынан

Улуу Дойдуну арчылыыр

Сүүнэ күүстээх

Сүллэр Этиҥ доҕуґуоллаах

Сүҥ Дьааһын Тойон!

Көмүскэстээх санаалаах

Улуу Хотой Айыы!

Улуу сыһыылары

Сыспай сиэллээҕинэн толорбут,

Уордаах модун уолаттары

Уруйдаан төрөппүт

Уордаах Күрүө Дьөһөгөй Тойон!

Уйгу-быйаҥ төрдө

Уолбат ойбонноох,

Быстыбат быйаҥнаах,

Сөҥ Сөлөгөй сөдүрүүннээх,

Араҕас арыы далбардаах

Ала Мылахсын Хотун!

Аргыстаһар, алгыыр-силиир,

Анал биэрэр айылгылаах

Ахтар Айыыһыт!

Иэйэр күүһүнэн ахтар,

Илин Халлаан сарыалыныы

Кыыһар, тыгар имнээх,

Эйэҕэс майгылаах

Эдьэҥ Иэйэхсит! –

 

диэн ааттаталаан үҥэр-сүгүрүйэр, көрдөһөр. Үҥэргэ илиигэ чуорааннаах сылдьыахха сөп. Куруук, күн аайы үҥэр-сүгүрүйэр киһи, суукка устата туох сыыһаны, аньыыны оҥорбутун, этэн, көрдөһөн ыраастанар. Оттон, саҥа үҥэр киһи саамай улахан аньыыларыттан саҕалаан барытын этэрдии, билинэрдии үҥэн-сүгүрүйэн көрдөһөр. Саҥа үҥэр киһи уһуннук, ол аата, элбэх күннэргэ үҥэн-сүгүрүйэн, өр этэн-тыынан, көрдөһөн Айыы сиэрин барытын тутуһан элбэх сыллаах аньыытын боруостуур. Бу боруостааһын уһун кэмнээх, улахан суол.

 

Аньыытын-харатын этэн баран үҥээччи Орто Дойдуга, Ийэ Айылҕаҕа үчүгэй, өҥ-тот, уйгу-быйаҥ кэлэрин көрдөһөр. Дьон-сэргэ, Айыы дьонун олоҕор куһаҕан кэлбэтин курдук үҥэн туран көрдөһөр. Тус бэйэтигэр эмиэ үчүгэйи көрдөһүөн сөп. Ол гынан баран, тиэрэни-туораны көрдөһүө суохтаах!

 

Домм! Домм! Домм!

Источник: Аар Айыы итэҕэлэ. 3-с чаас. – с. 66-67, 2005 сыл.
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ