Иван Слепцов: Үрүҥ-тунах ыһыаҕынан!

Ытыктабыллаах биир дойдулаахтарым!

Төрөөбүт-үөскээбит тыйыс дойдубут маанылаах кэмин уруйдуур үрүҥ-тунах ыһыаҕынан эҕэрдэлиибин! Өбүгэлэрбит үлэһит үтүөтэ, санаа төһүүлээҕэ дьонкүөххэ үктэммит үөрүүлэригэр Айыыларга махтанан, кинилэргэ сүгүрүйэн, сиэрдээн-туомнаан ыһар түһүлгэлэрин ытыктаабат, утумнаабат саха сирин олохтооҕо суоҕун кэриэтэ.

Барыгытыгар «дьылы аһатар биир күн» күттүөннээх үлэтэ түмүктээх, дьайыылаах буолуутун, сир-ийэ силигилии тыллар салгына чэбдик өйү-санааны, эти-сиини угуттуоҕун, дьоҥҥун-сэргэҕит эрэлэ хаһан да уҕараабатын баҕарабын!

Сахабыт сирин баай ис хоһоонноох историята, көлүөнэттэн көлүөнэҕэ бэриллэр номоҕо мэлдьи ситиһии, кыайыы-хотуу, эйэ–ил уонна хардарыта өйдөһүү тутулуга буоллун!

 

Саха Государственнай

тыахаһаайстыбатын академиятын ректора

И.И.Слепцов

Если вы увидели интересное событие, присылайте фото и видео на наш
Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх