АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
-45
Туманно
КУРС ВАЛЮТ
Курс ЦБ
$  66.33
 75.58
18+
ЛЕНТА НОВОСТЕЙ
Архив новостей
Сахалыы
5 декабря 2018, 13:00
642

Италия режиссера Бүлүүгэ киинэтин көрдөрдө

Бүлүүгэ хомус дьоро түһүлгэтэ буолла. Италия режиссера, хомусчут Диего Паскаль Панарелла аан дойдутааҕы фестивалыгар үһүс миэстэни ылбыт «Странные звуки счастья…» киинэтин кэлэн көрдөрдө, дьон биһирэбилин ылла.

Бүлүүгэ төһө да өрөбүл күнүн уонна таһырдьа -40-ча кыраадыс тымныы буолбутун иһин, хомус дьоро түһүлгэтэ тэрээһиннээхтик, өрө көтөҕүллүүлээхтик ааста. Тэрээһиҥҥэ Италия кинорежиссера, хомусчут Диего Паскаль Панарелла, Аан дойдутааҕы Хомус киинин уонна музейын үлэһиттэрэ ыалдьыттаатылар. Аатырбыт кинорежиссер хас да сыл Саха сиринэн, Сицилиянан устубут, аан дойдутааҕы киинэ фестивалыгар 3-с миэстэни ылбыт «Странные звуки счастья…» киинэтин премьератын Бүлүү дьонугар-сэргэтигэр көрдөрдө.

Улуус баһылыга С.Н. Винокуров Аан дойдутааҕы Хомус Киинин уонна музейын дириэктэрэ Д.Д. Бястинов, Киин президенэ И.Е. Алексеев-Хомус Уйбаан, Голландияттан сылдьар Аан дойдутааҕы варганистар уопсастыбаларын чилиэнэ, Аан дойду култууратын музейын салаатын салайааччыта Һарм Йоханес Линсен, биллиилээх хомусчут С.С. Шишигин, Хомус Киинин Аан дойдутааҕы сибээстэһиилэргэ координатора Е.Н. Шишигина, научнай сотрудник Н.И. Ефремов састааптаах делегацияны кытта ирэ-хоро кэпсэттэ, махтанна.

Культура управлениетын методиһа Н.Н. Иванова ыалдьыттары куорат бэлиэ сирдэринэн сырытыннарда. «Хомустаах» КЭК Аал Луук Маһы сөҕө-махтайа көрдүлэр. Салгыы П.Х. Староватов аатынан кыраайы үөрэтэр музейга специалистар Е.Д.Абрамова, В.В. Тараховская улуус, куорат историятын кэпсээбиттэрин олус сэргээтилэр, кэрэхсээтилэр.

Олоҥхо Дьиэтигэр хомус уустарын, хомусчуттары, общественноһы кытта көрсүһүүнү ИМЦ методиһа Т.П.Степанова, педколледж преподавателэ У.А. Васильева сахалыы уонна английскай тылынан ыыттылар. Түмүккэ Иван Егорович таһаарыытынан күргүөмүнэн хомуска оонньоон дуоһуйдубут.

Киинэни көрө «Бүлүү» кинотеатр саалатыгар толору дьон муһунна. Бастаан киинэни уопсай билиһиннэрии буолла. Култуураҕа, ыччат уонна дьиэ кэргэн политикатыгар управление начальнига А.А. Дашевская Махтал суруктары туттарда.

Киинэни көрөн баран санаа атастаһыытыгар киинэ геройдара аан дойду биллиилээх ууһа Реворий Гаврильевич Чемчоев-Чөмчөө Уус, Саха Өрөспүүбүлүкэтин култууратын үтүөлээх үлэһитэ, хомусчут-импровизатор Августина Платоновна Евсеева, Н.Н. Иванова, Диего Паскаль тыл эттилэр. Көрөөччүлэр Диего Паскаль саха хомуһун, Бүлүү уустарын, хомусчуттарын аан дойдуга таһаарбытыгар ытыс дохсун тыаһынан махтаннылар.

Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ