Олоҥхо биһиги барҕа баайбыт, күүс-сэниэ ылынар эйгэбит, уһуну-киэҥи толкуйдатар улууканнаах айымньыбыт. Үтүө уонна мөкү утарыта көрсүүтэ, кырдьык туругуруута, Орто Дойдуну хара дьайтан быһыыр дьулуур – бу барыта биһиги Олоҥхобутугар баар.
Быйыл бу киэҥ тэрээһин Сир тымныы оройугар – Өймөкөөн Томторугар буолара дириҥ суолталаах. Олоҥхо Ыһыаҕа бүттүүн саха дьоно олоххо тапталбытын, айылҕа күүһүн бэйэбитигэр иҥэринэн, сайдарга күүстээх дьулуурбутун көрдөрөр! Бука барыгытыгар бу өрө көтөҕүллүүлээх күн дьолу-соргуну, кытаанах доруобуйаны, уостубат эрчими бэлэхтээтин!
