Ил Дархаңңа аhа5ас сурук

Кэмпэндээйи эмтээх былыыга Саха сирин дьонун эмтии турдун!

Саха сирин олохтоохторугар, Ил Дархаңңа Айсен Сергеевич Николаевка АҺАҔАС СУРУК

          Биһиги, Кэмпэндээйи нэһилиэгин Чолбодуков Г.Е аатынан санаторий – профилакторий улэһиттэрэ аьаҕас сурук суруйарга куһэлиннибит!

          Сахабыт сиригэр киэнник биллибит эмтээх былыыгынан эмтиир соҕотох санаторий буолабыт. Манна төһөлөөх киһи уңуох – сүһүөх, тымныйыы, оҕоломмот буолуу ыарыытыттан эмтэнэн, үтүөрэн, атаҕар турбута буолуой, оҕолонор дьолун билбитэ буолуой!

          БиҺиги санаторийбыт 1921 сылтан Минздрав, райздрав салаатынан үлэлээбитэ. 1999 сылтан Бастакы Президеммыт М.Е. Николаев дьаҺалынан АЛРОСА аренда5а ылан 20 сыл үлэлээн кэллибит. Бу кэмнэ саңа корпустар тутуллан, материальнай базабыт саңардыллыбыта. Ол курдук эмтиир ньымаларбыт элбээбитэ. Биһиги тэрилтэ соҕуруу куруортартан итэҕэҺэ суох усулуобуйаҕа улэлээбиппитигэр Бастакы Президеммитигэр М.Е. Николаевка сүдү махталлаахпыт.

          Билигин АЛРОСА непрофильнай активтарыттан босхолонор биричиинэтинэн санаторийбыт дьылҕата уустугурда. Республикабыт Ил Дархана А.С. Николаев дьаһалынан биһиги тэрилтэни үөрэҕирии салаатыгар биэрэ сатыыллар. Аны икки сылынан грязелечебница үбүлүөйдээх 100 сылын бэлиэтиэхтээх этэ. «Мохсоҕоллоох» эмтээх күөлбут үйэттэн ордук тухары дьон доруобуйатыгар туһалаан кэллэҕэ. Санаторийбытын Үөрэх Министерствотын салаатынан оҕо лааҕыра буолаары турарын эһиги, Сахабыт сирин дьоно, Ил Дархаммыт Айсен Сергеевич, туох дии саныыгыт? Биһиги истэрбитинэн оҕо сайдарыгар, дириңэтэн үөрэтиигэ (приоритет — обучение) сыаллаах үөрэх салаатын киинин тэрийээри былаанныыллар.

Быйыл сааскыттан саҕалаан араас делегация, комиссия көрөн барда. Доруобуйа эйгэтигэр салҕыы улэлии хаалыахпыт диэн эрэнэ санаабыппыт. Дьэ хайдах буолабыт? Билигин ураты эмтээх былыыкпыт улахан дьоңңо туһата суох хааларыгар тиийдэ дуо? Ама, оҕону күүстээх былыыгынан эмтээн, доруобуйатын айгыратыахпыт дуо? Эбэтэр бу ураты харыстанар эмтээх күөлбут былыыга ханна эмэ тиэллээри гынна дуу?

Биһиэхэ эмтэнэн, үтүөрэн барбыт үгүс элбэх Саха сирин олохтоохторо, бу суругу ааҕан баран, туох толкуйга кэллигит?

Боростуой да өйунэн толкуйдаан көрдеххе, үөрэх салаата ыллаҕына, санаторий улэһиттэрэ хайдах буолабыт, ханна барабыт? Тэрилтэ улэһиттэрэ улэтэ суох хаалар тугэннэригэр нэһилиэк социальнай өттүнэн мөлтүүр. Биһиги, улэһиттэр, элбэх оҕолоох эдэр ыаллар, дьиэбитин – уоппутун быраҕан үлэ көрдүү атын сиргэ көһөр кыахпыт суох.

Түмүгэр, 45 улэһиттээх Чолбодуков Г.Е. аатынан санаторий – профилакторий коллектива туруорсабыт:

Үөрэх салаатыгар биэрэргитин утарсабыт.

Доруобуйа харыстабылын хайысхатынан үйэ тухары эмтээн кэлбит ураты былыыкпыт дьон – норуот туһугар туһалыы, эмтии турарыгар баҕарабыт.

Аһаҕас сурукпут норуот, былаас болҕомтотун ылан сөптөөх быһаарыныыны ылыа диэн бүк эрэллээхпит.

Если вы увидели интересное событие, присылайте фото и видео на наш
Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх