Иэдээн буола сыста! Махтал!

Сунтаар улууһун олохтоохторо кэргэннии Николай Кононович уонна Ульяна Антоновна Дьокуускайтан Сунтаарга айаннаан иһэн алдьархайдаах суол быһылааныгар түбэспиттэригэр, айан дьоно көмөлөһөн, дойдуларыгар этэҥҥэ тиийбиттэр: «Иэдээн буола сыста. Хата Таҥара уонна эдэр уолаттар көмөлөрүнэн барыта этэҥҥэ. Платонов Фома уонна эдэр уолаттар «Соболь», «Делика» массыынаҕа олорон испит дьон көмөлөрүнэн маҥнай Ульяна Антоновнаны, онтон Николай Кононовиһы успейдаан хостообуттар. Массыыналарын аана блокируйданан хаалбыт (аһыллыбат), онон түннүгүнэн таһаарбыттар».

Кырдьаҕас дьон Sakhalife.ru редакциятын нөҥүө биир дойдулаахтарын амарах санаалаах эдэр дьонугар барҕа махталларын биллэрэллэр:

— Уолаттарга барыбытыттан барҕа Махтал!
Аны ГАИлар кэлэн көрөн, докуменнаан баран, лейтенант Сарафанов Иван диэн бааһынай уола тылланан, УАЗ лебедкатынан тартардыбыт. Сыалай чааһы быһа араастаан таттаран, ньоҕойдоһон Сарафанов Иван массыынаны таһаарда.
Барҕа Махтал ! Сунтаар эдэр дьоно суобастаахтарын, дьоҥҥо кыһамньылаахтарын өссө төгүл көрдөрдүлэр ! Эдэр медүлэһит кэлэн кырдьаҕастары көрөн-истэн, сүбэлээн-амалаан барбытыгар барҕа Махтал!

Сунтаар дьонугар Махтал!
Бары этэҥҥэ буолуҥ, куруук маннык аламаҕай, кыһамньылаах буолуҥ! Барыгытыгар кытаанах доруобуйаны баҕарабыт!

Николай Кононович уонна Ульяна Антоновна Сантаевтар

2.07.2021