Хордоҕойго түргэнник ситэр салааны сайыннарыы

Атырдьах ыйын 27 күнүгэр, тыа хаһаайыстыбатын управлениетын салайааччыта Владимир Анисимов уонна сүрүн исписсэлиис Антонина Кириллина Хордоҕой нэһилиэгэр сырыттылар.

Нэһилиэк баһылыга Сергей Барамыгин уонна тыа хаһаайыстыбатын исписсэлииһэ Валериан Егоров «Чайка» диэн сиргэ көрүстүлэр. Онно урбаанньыт Андрей Максимов 1га буолаҕа төрдүгэр астаах үүнээйилэри «Любава» уонна «Розара» хортуоска суордун, сүбүөкүлэни уонна моркуобу олордубут. Быйылгаттан түргэнник ситэр көтөр көрүҥүн кууруссаны уонна индюгу, ону таһынан куһу, хааһы инкубаторынан таһааран нэһилиэнньэҕэ атыылаабыт. Инникитин бу салааны сайылыгар илдьэн кэҥэтэн сайыннарар санаалааҕын кэпсиир. Маны таһынан сайылыгар сибинньэ оҕолорун иитэн, улаатыннаран сороҕотун атыылаабыт.

Билигин бэйэтин олорор усулуобуйатын тэринэн сайылыгар саҥа олорор дьиэ тутта сылдьар.