Халан 500 бэргэн этиилэрдээх кинигэ кыбытыктарын бэлэхтиир

Август Егоров биллэрэр:

 — Сахалыы Бикипиэдьийэни, Бикитиэкэни, Биики Сонуну, Биики Домоҕу төрүттээччи, саха тыла Интернет ситимигэр киириитигэр улахан үлэни ыытааччы, общественник Николай Павлов-Халан Биики Домоххо баар араас бэргэн этиилэр суруллубут 500 кинигэ кыбытыктарын (закладка) киллэрэн биэрдэ. Бу кыбытыктары Дьокуускай к., Курашова уул. 24 баар «Бичик+» маҕаһыыммытыгар хас биирдии кинигэ ылбыт киһиэхэ Биики Домох аатыттан босхо биэриэхпит. Николай Николаевичка саха тылын, өйүн-санаатын киэҥ эйгэҕэ тарҕатар үгүс өрүттээх үлэтигэр махтанабыт!

Оттон бу хаартыскаҕа баар эмиэ саха тылын биир туруулаһааччыта, нарколог, невролог быраас Петр Сысоевич Тумусовы кытары биһиги кыһабыт биир олус интэриэһинэй уонна суолталаах бырайыакка үлэлэһэ сылдьабыт. Ол туһунан кэмэ кэллэҕинэ билиһиннэриэм.