Халаан уутуттан эмсэҕэлээбиттэргэ көмөнү оҥоруу боппуруоһа Ил Түмэн XXXVII уочараттаах мунньаҕар көрүллүөҕэ

Халаан уутун уонна ол содулун туоратыыга ылыныллар дьаһаллар тустарынан боппуруос бэс ыйын 8 күнүгэр Саха Өрөспүүбүлүкэтин Ил Түмэнин XXXVII уочараттаах мунньаҕар көрүллүөҕэ.  

Саха сиригэр халаан уутуттан 13 улууска 45 нэһилиэнньэлээх пуун эмсэҕэлээн күн бүгүҥҥэ диэри ыксаллаах быһыы-майгы хонтуруолга турар. Амма, Алдан, Лена, Халыма уонна Дьааҥы өрүстэр кытылларыгар олохтоох нэһилиэктэри уу улаханнык ылла.

Саха сирин хоту өттүгэр Орто Халыма, Налимскай, Березовка, Зырянка, Үөһээ Халыма, Усуйаана ууга баран олороллор. Быһа холоон ааҕыынан уопсай хоромньу миллиард кэриҥинэн сыаналанар.

Олохтоохтор кыра оҕолорун көтөхпүтүнэн, кырдьаҕастарын өйөөбүтүнэн олорор дьиэтэ-уота суох хааллылар. Кинилэргэ бүттүүн өрөспүүбүлүкэ дьоно көмө-тирэх буолаллар. Саха Өрөспүүбүлүкэтин Ил Түмэнин депутаттара уонна аппараатын үлэһиттэрэ үбүнэн-харчынан, малынан-салынан көмөнү оҥордулар.

Ыам ыйын 22 күнүгэр Саха Өрөспүүбүлүкэтин Ил Түмэнин XXXVI уочарата суох мунньаҕар бастакы вице-премьер Алексей Колодезников ыытыллыбыт үлэ туһунан отчуоту билиһиннэрбитэ. Мунньахха «Саха Өрөспүүбүлүкэтин улуустарыгар халаан уутун уонна ол содулун туоратыы дьаһалларын туһунан» уураах ылыныллыбыта. Спикер Александр Жирков депутаттарга миэстэтигэр тиийэн билсэн, көмөнү оҥоруу үлэтин ыыталларыгар сорудахтаабыта.

Если вы увидели интересное событие, присылайте фото и видео на наш
Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх