Фотофакт: Чурапчылар УАЗ үрдүгэр!
Амма улууһугар сылгыһыт күнүгэр анаммыт Өрөспүүбүлүкэтээҕи сылгыһыт күрэҕэр Чурапчы улууһуттан кыттыбыт Одьулуун сылгыһыттарын сүүмэрдэммит хамаандата 2 буочуоттаах миэстэни ылан уаз бортобуой массыына хаһаайыттара буолбуттарынан итии истиҥ эҕэрдэбин тиэрдэбин! Саха былыргы итэҕэлигэр аан бастаан сылгы үөскээбитин кэннэ, киһи үөскээбитэ диэн этии баар. Саханы — сылгы киһи оҥорбута. Биһиэхэ ат, сылгы «Дьөһөгөйтөн төрүттээх» ытык, ыраас сүөһүнэн, «айыы оҕотунан» аатырара. Сылгы таҥарата Дьөһөгөй Тойон биһиги олохпутун, дьиэбитин уоппутун көрөн истэн — бу орто туруу дьаҕыл дойдуга биһиги сахалар баарбыт! Өссө төгүл Чурапчы сылгыһыттара биир дойдулаахтарыгар сылгыһыт күнүгэр үөрүү-көтүү, кыайыы чыпчаалын бэлэхтээбиттэригэр, бэйэлэригэр хаһаайыстыбаларыгар бэлэх оҥостуммуттарынан эҕэрдэбин уонна махталбын тиэрдэбин! Түгэнинэн туһанан тэрийээччилэргэ, чуолаан улуус Аҕа баһылыгар Степан Кузьминҥа уонна норуот дьокутаатыгар Руслан Федотовка махталбытын тиэрдэбит!
+7 (999) 174-67-82