Дьокуускай куораттааҕы национальнай гимназия 25 сыллаах үбүлүөйүнэн дьикти бэлэх

Бу дьыл сэтинньи 17 күнүгэр Дьокуускай куораттааҕы национальнай гимназия 25 сыллаах үбүлүөйүн бэлиэтээтэ. Бу күн научнай-практическай конференция, гимназия олоҕун кэрдиис кэмнэринэн виртуальнай айан, көлүөнэлэр көрсүһүүлэрэ, онтон да атын  бэрт интэриэһинэй тэрээһиннэр ыытылыннар. 

Оттон гимназия 5а кылааһын үөрэнээччилэрэ (кылаас салайааччыта Адамова С.А.) тапталлаах оскуолаларын 25 сыллаах үбүлүөйүгэр бэйэлэрин  сонун бэлэхтэрин туттардылар. Ол курдук оҕолор гимназия туһунан санааларын, оскуолаларыгар уонна учууталларыгар эҕэрдэлэрин, араас сылларга эҥин араас тэрээһиннэргэ түспүт хаартыскаларын  2 кинигэ оҥорон бэлэх ууннулар. Дьиктитэ диэн бу кинигэлэр  ис хоһоонноро үүт-үкчүлэр, арай быһыылара-таһаалара атыттар: биирдэрэ улахан  форматтаах кинигэ, биирдэрэ испиискэ хоруопкатын саҕа сувенирнай кинигэ.

Оҕолор төрөппүттэрин кытта өссө алтынньы 10 күнүгэр гимназия үбүлүөйүн көрсө үтүө дьыала тэрээһинин ыыппыттар. Ол курдук кинилэр  кылаас чааһыгар «Бичик» кинигэ кыһатыгар тахсыбыт араас дьэрэкээн ойуулаах, баай ис хоһоонноох кинигэлэр, остуол оонньууларын туһунан билиһиннэрбиттэр  уонна бибилэтиэкэ пуондатыгар бэлэх ууммуттар.

Если вы увидели интересное событие, присылайте фото и видео на наш Whatsapp
+7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх