Дьокуускайга Оһуохай форума түмүктэннэ

      Бүгүн, Ыам ыйын 28 күнүгэр, Өрөспүүбүлүкэ бырабыыталыстыбатын дьиэтигэр бастакы Оһуохай форума түмүктэннэ.

       Форум кэмигэр араас маастар — кылаастар, көрсүһүүлэр уонна да атын тэрээһиннэр ыытылыннылар.

       Бүгүҥҥү мунньахха Саха сирин бырабыыталыстыбатын бэрэссэдээтэлин солбуйааччы Сергей Васильевич Местников, Саха сирин культуратын уонна духуобунай сайдыытын миниистирин бастакы солбуйааччы Мария Васильевна Турантаева, Өрөспүүбүлүкэтээҕи норуот айымньытын дьиэтин дириэктэрэ Сергей Степанович Семенов, Оһуохай түмсүү салайааччыта Александр Джурович Данилов, Оһуохай тылын этээччилэр, чинчийээччилэр, үөрэтээччилэр кыттыыны ыллылар. 

     Кэпсэтии бэрт интэриэһинэй буолан ааста, кыттааччылар бэйэлэрин санааларын үллэһиннилэр. 

1 из 7

      Оһуохай түмсүү кыттааччыларыгар Семён Черноградскайска, Валентин Хоруновка, Марта Николаеваҕа Оһуохай сайдыытын кылааттарын иһин Бырабыыталыстыбата бэрэссэдээтэлин солбуйааччы Сергей Местников аатыттан махтал сурук туттарылынна.

     Онтон биир үөрүүлээх сонунунан Оһуохай түмсүүгэ аппаратура ыларга 600 тыһыынчалаах сууммалаах сертификат бэриллиитэ буолла.

      Үс мөллүйүөн саха үөскээтин, түөрт мөллүйүөн саха төрөөтүн! Доом!