“Дива Кэрэ-2023” – Чурапчыттан Анжелика Агафонникова

Улууспутугар V-с төгүлүн ыытыллар “Дива Кэрэ — 2023” талба талааннаах эдэр ийэлэргэ аналлаах куонкурус, бүгүн Кэрэ аҥардар бырааһынньыктарыгар итиэннэ Чурапчы нэһилиэгэ тэриллибитэ 375 сылыгар сөп түбэһиннэрэн “Айылгы” НАДь-гэр буолла. Дьон-сэргэ саалаҕа “лыык” курдук симилиннэ. Күрэххэ барыта 8 эдэр ийэ кытынна. Хас биирдии кэрэ аҥар — туһунан кэрэлээх. Ааспыт сылларга «Дива Кэрэ» куонкурус кыайыылаахтарынан Анна Черасова, Саина Гоголева, Татьяна Хомподоева, Саина Брызгалова буолбуттара.

Бырайыак ааптара, СӨ култууратын үтүөлээх үлэһитэ, режиссер Иван Бушков маннык кэпсиир:

“Дива” куонкуруһу толкуйдааһын биир санааттан тахсыбыта. Улууска ыытыллар маннык хабааннаах куонкурустар кэнники кэмҥэ наһаа күүскэ “социализацияланан” хааллылар. Ол эбэтэр дьүүллүүр сүбэ хайаан да куонкурус кыттыылааҕын оҕотун ахсаанын, дьэ кэргэнин, кэтэх хаһаайыстыбалааҕын уонна да итинниккэ майгынныыр төрүөттэри ордук чорботон көрөр буолбута. Дьиҥ кэрэ көстүү уонна талаан иккис былааҥҥа турбута

уонтан тахса сыл буолла. Куонкурус уратыта диэн дьүүллүүр сүбэ тус сыанатын ааҕар-суоттуур хамыыһыйа программаҕа киллэрэн түмүк таһаарара буолар. Элбэх куонкуруска кыттыбыт уонна дьүүллүүр сүбэҕэ олорбут буолан,

1 из 18

ардыгар дьүүллүүр сүбэ сүбэлэһиитинэн быһаарыллар түгэннэрэ эмиэ бааллар. Дьиҥ куонкурус таһыма, сыала-соруга ардыгар кыттааччы ахсаанынан анал аат үллэриитигэр эмиэ сүтэн хаалар. Куонкурус аата куонкурус. Ким кыахтаах кыайыахтаах. Мин санаабар,

бу куонкуруска кыттар эдэр ийэлэр аҥардас сценаҕа тахсалларыттан толлубат

буолалларын ситиһии, бэйэлэрин тула болҕомто ууруллара, куонкуруска кыттыы уопутун ылаллара уонна дьиэ кэргэннэрин өйөбүлүн ылыылара саамай сыаналаммат кыайыы дии саныыбын. Үгүс дьон куонкурус кэнниттэн бэйэлэрин санааларын “күүскэ” баҕайы тиэрдэ сатааччылар. Санааларын аһаҕастык тиэрдэллэр. Ол эрээри “кулуарга” кэпсэтии диэн атын, оттон кыттааччылары аһаҕастык ырытыы бу култуурата суох буолууну көрдөрөр. Хас биирдии сценаҕа тахсыбыт куонкурус кыттыылааҕа бэйэтин кыаҕынан бэлэмнэн, элбэх киһини көмөлөһүннэрэн, дууһатын ууран туран кыттар диэххэ. Онно төттөрүтүн итинник “ырытыылар” тиэрэ резонанстаах буолаллар. Ол да буоллар, бу бырайыак ааптара буолан туран, “Дива Кэрэ -2023” куонкурус сыалын-соругун ахсысс төгүлүн этэҥҥэ ыытылынна. Эдэркээн ийэлэрбит бары да бэйэ-бэйэлэригэр истиҥ сыһыаннара, куонкуруска бэлэмнэрэ миигин үөрдэр. Кинилэргэ улахан махталбын тиэрдэбин!”

Биэс түһүмэхтээх куонкурус түмүгүнэн ким кыайыбытын быһаардылар. Саамай тыҥааһыннаах көрүҥүнэн төрдүс түһүмэх буолла, манна кыттааччылар астаан аҕалбыт бүлүүдэлэрин, илиинэн оҥоһуктарын көрөөччүлэргэ аукцион быһыытынан атыылаатылар, мантан киирбит үп-харчы улууспутуттан эмтэнэ барыахтаах кырачаан оҕолор тус счеттарыгар көһүөхтээх. Уопсайа холбоон —

117.100 солк киирдэ.

Уһун тохтобул кэнниттэн кыайыылаахтары биир-биир эттилэр: “Дива Кэрэ открытие” – Хатылы нэһилиэгиттэн Раиса Сидорова

“Дива Кэрэ нежность” Хоптоҕо нэһилиэгиттэн Саргылаана Аммосова

“Дива Кэрэ образ” Одьулуун нэһилиэгиттэн Күннэй Карпова

“Дива Кэрэ грация” Мугудай нэһилиэгиттэн Кэскилээнэ Коркина

“Дива Кэрэ талант” Чурапчы нэһилиэгиттэн Елена Бурнашева

“Дива Кэрэ интеллект” Хайахсыт нэһилиэгиттэн Диана Андреева анал номинацияларга тигистилэр.

Онтон “Вице Дива Кэрэ-2023” үрдүк аатын Сылаҥ нэһилиэгиттэн Сахаяна Герасимова

50 тыһ.солк уу харчынан бириэмийэлэннэ уонна “Дива Кэрэ — 2023” муҥутуур кыайыылааҕынан Чурапчы нэһилиэгиттэн Анжелика Агафонникова ааттанна, кини 100 тыһ.солк наҕараадаланна.

Куонкурус сүрүн успуонсардарынан Чурапчы нэһилиэгин дьаһалтата, “Мой Дом” интэриниэт-маҕаһыын, “Күн Тэгил” маҕаһыын, “Твой букет” сибэкки маҕаһыына, итиэннэ фотограф НьуккуБел, Чурапчы улууһун дьахталларын Сэбиэтэ, “Арассыыйа Ийэлэрэ” уопсастыбаннай хамсааһын Чурапчытааҕы салаата, урбаанньыттар Ульяна Адамова, Ольга Дьячковская, Аина Анемподистова, Наталья Эверстова буолуллар. Дьүүллүүр сүбэҕэ биир дойдулаахпыт, Саха сиригэр киэҥник биллэр модельер Иван Федоров, Чурапчы улууһун баһылыгын тутуу боппуруостарыгар солбуйааччы Афанасий Дьячковскай, Чурапчы баһылыгын бастакы солбуйааччы Уйгулаан Туласынов үлэлээтилэр.