Бэрдьигэстээх дьикти хатыҥа — Герой ийэ тэҥэ!

Олоххо дьулуһууну көрдөрөр Бэрдьигэстээх дьикти хатыҥа -Герой ийэ тэҥэ

🌿☘️Бу хатыҥы көрбүт эрэ барыта сөҕөр-махтайар.

Хаһан эрэ ити хатыҥчааны силлиэ-тыал суулларардыы эрийбитэ- мускуйбута, охтон иһэн өрүттүбүт, төрдө — силиһэ тостубакка, умнаһа сиргэ сыстыбакка өрүһүммүт.

Баҕар, хайа эрэ күүстээх тиэхиньикэ таарыйан, умса анньан ааспыта дуу, туох билиэй?

🙏Арай кини тулуура, дьулуура, күн бүгүн чэчирии турара — олох иһин охсуһуу үтүө холобурун туоһута курдук санаан ылаҕын.

Төһө да бу охтон истэр, бэйэтиттэн 11 чэчирдэри төрөтөн, үөһэ халлааҥа өрө анньан таһааран, хайа да хатыҥтан намыһаҕа суох буолбуттарын эргийэ сылдьан, арахпакка дьиктиргии көрөҕүн ээ!!! Ол хаһан да өйгүттэн сүппэт.

Бүгүҥҥү олоххо тэҥнээн көрдөххө, ураты болҕомтону эрэйэр, чиэстэнэр — бочуоттанар уонтан тахса оҕолоох Герой ийэ курдук дии.

🌿🌱Хатыҥ элбэх лабаалара аллара намылыһаллар, оттон чэчирдэрэ көбүс — көнөтүк күҥҥэ, сырдыкка талаһаллар!

Үгүс омуктар хатыҥҥа сүгүрүйэллэр, харыстыыллар.

Кинини кууһан туран, олохторун уустук кэмин аһарыналлар, чэпчэтэллэр, күүс-уох ылаллар.

Сахалар хатыҥы Аал луук маска тэҥнииллэр. Хатыҥчааммыт барахсан туһунан, төһөлөөх элбэх ырыаны ыллыыбытый, үөрэбитий-көтөбүтүй?!

Маннык хатыҥтан итэҕэйэр дьон, оҕо кутун таттараллар дииллэр эбит. Бу да хатыҥчааммытыгар дьон, күн диэки хайыһан туран, күүс, көмө көрдөөн элбэхтик сыстан ылаллара, туоһугар көстөр эбит.

🙏Чэ, туох да диэбит иһин, биһиги бу дьикти хатыҥмытын харыстыы сатыахха баар этэ. Тахсан эрэр силиһигэр буор кутан, баҕар, атын сирдэргэ курдук күрүөлээн эҥин…

✍️Василий Алексеев

⬜️⬜️⬜️@silatrudagorny

❤️@ulusmedia