Бастыҥ оһуохай этээччилэр билиннилэр

     Бэс ыйын 28-29 күннэригэр Туймаада ыһыаҕын чэрчитинэн, Үс Хатыҥ саамай улахан түһүлгэтигэр үгэс буолбут өрөспүүбүлүкэтээҕи  Оһуохай күрэҕэ икки күн иһигэр ыытылынна.

     Күрэх туһунан Оһуохай түмсүү салайааччыта Александр Джурович Данилов — Дьулуур Хан сиһилии кэпсээтэ:

      — Быйылгы күрэхпит Улуу Кыайыы 80 сылыгар уонна САССР искусствотын үтүөлээх үлэһитэ, Аар тайҕа ырыаһыта, оһуокайдьыт Сергей Афанасьевич Зверев-Кыыл Уола төрөөбүтэ 125 сылыгар ананна. 

      Күрэххэ уопсайа 51 этээччи Намтан, Сунтаартан, Ньурбаттан, Үөһээ — Бүлүүттэн, Тааттаттан, Амматтан, Мэҥэ — Хаҥаластан, Дьокуускайтан уонна да атын улуустартан кытынна. 

    Манна эбии этиэм этэ, Дархан этээччи үрдүк аатын бу эрэ күрэх түмүгүнэн иҥэрэбит. 

      Гран — При аатын Тааттаттан үтүөлээх этээччи Афанасий Николаевич Попов ылан, 350 тыһыынча солкуобайдаах сертификатынан наҕараадаланна уонна Дархан этээччи үрдүк аатын сүктэ. Бастакы миэстэни Намтан үтүөлээх этээччи Семен Алексеев, иккиһи Бүлүүттэн үтүөлээх этээччи Мэҥкэр Сэмэн Хабырыыл уола, үсүһү Сунтаартан Дмитрий Кондратьев ылан,  сертификатынан наҕараадаланнылар.

      Уонна биир үөрүүлээх сонуммутунан буолар — биһиги түһүлгэбитигэр Саха балаҕана тутуллан киирдэ, ол иһин быйылгыттан биһиги иһит — хомуос, остуол, ыскамыайкалар тэриллэринэн толору хааччыллыылаах көмүлүөк оһохтоох балаҕаҥҥа оллооннонор буоллубут. Куораппыт баһылыга Евгений Григорьев бэйэтинэн кэлэн бастакынан аанын аста. 

      Тэрээһиммитигэр күүс — көмө буолбут биирдиилээн дьоммутугар, спонсордарбытыгар, өрөспүүбүлүкэбит Ил Дарханыгар Айсен Сергеевич Николаевка, Саха Өрөспүүбүлүкэтин культуратын уонна духовнай сайдыытын министригэр Афанасий Иванович Ноевка, Дьокуускай куорат баһылыгар Евгений Николаевич Григорьевка махталбын тиэрдэбин! Оһуохай өссө да сайдарын туһугар! Дом!

     Улуу Кыайыы 80 сылыгар, Арассыыйаҕа Аҕа дойдуну, Саха Өрөспүүбүлүкэтигэр Ийэ дойдуну көмүскээччи, Ньурба оройуонугар олох-дьаһах эйгэтин тупсарыы сылларыгар аналлаах, Ньурба оройуонун Кыайыы ыһыаҕар ыытыллар «Сүгүрүйүү оһуохайа» күрэх түмүктэннэ. 

        Ньурба оройуонун култуураҕа департаменын салайааччыта, Аар Дархан этээччи Розалия Михайловна Тихонова тэрээһин туһунан бу курдук иһитиннэрдэ:

    — Оһуохай күрэҕэ ыһыахпыт бастыҥ көстүүтэ буолар. Араас саастаах оһуохайдьыттар түһүлгэҕэ түмсэн хомоҕойдук хоһуйан, кылыгырас кылыһахтаах куоластарын чөллөрүтэн, бар дьоҥҥо алгыстаах тылларын анаатылар.

     Күрэҕи Ньурба оройуонун култуураҕа департамена, Ньурба оройуонун «Оһуохай» түмсүүтэ (сал.Дора Бурнашева) уонна Күндээдэ ТСТ С.Н. Эверстова аатынан «Туску» норуот айымньытын дьиэтэ иилээн-саҕалаан ыыттылар. 

    Күрэх түмүгэ — кыра оҕолорго:  

— «Көмүс куолас» анал аат — Марьяна Иванова («Айар» кинигэ кыһата, «Хэппи Принт» полиграфия киинин бириистэрэ

— —  «Кэскиллээх этээччи анал аат — Вова Сидоров, («Айар» кинигэ кыһата, «Хэппи Принт» полиграфия киинин бириистэрэ) 

— — ⁠3 үрдэл — Жасмина Герасимова, («Северина» маҕаһыын 5000 солк сертификат), 

— ⁠3 үрдэли Гея Самсонова ситистэ («КАМИШОП» ИП С.В.Павлова, “Хэппи Принт» полиграфия киинэ), 

— ⁠1 үрдэлгэ тигистэ Вова Степанов («Эгэлгэ» ИП Архан А.А., «Карусель подарков» ИП С.В.Павлова). 

       Улахан оҕолорго:

— «Кэскиллээх этээччи» анал аат Юра Борисов (МНГОК), 

— «Көмүс кылыһах» анал  аат — Настя Александрова (Г.Д.Федорова, «АЙАР СУОЛ» Арт студия бириистэрэ), 

— ⁠3 үрдэл Люлитта Слепцова (Сертификат 5000солк «СИТИ СТРОЙ» ИП А.А.Федорова), 

— ⁠2 үрдэл Самир Герасимов (Сертификат 5000 солк «Айтан» ателье ИП А.А.Алексеева, пылесос НСОШ #2), 

— ⁠1 үрдэл Айыына Афанасьева (10000 солк харчынан «Олесия» маҕаһыын ИП С.Е.Прокопьева)

— ⁠»Кылаан Чыпчаал» үрдүк аат Түмүк нэһилиэгиттэн 

— Камелия Яковлева (20000 солк харчынан Виссарион Акимович Гаврильев-Туойар Таас сыдьааннара туруорбут бириистэрэ). 

      Эдэр ыччакка:

— Айан Саввинов (Үөһээ-Бүлүү) — Анал бириис («Ника» маҕаһыын ИП А.В.Никифорова), 

— ⁠Анжелина Жданова — Анал бириис (маастар Ираида Ивановна Поликарпова туруорбут бирииһэ), 

— Сайаана Семенова — Анал бириис («ЭКСПЕРТ» полиграфия киинэ ИП С.Н.Семенов) 

— ⁠Анна Григорьева — Анал бириис (Ньурбатааҕы элбэх хайысхалаах гимназия бирииһэ дир.В.Р.Васильева)

— ⁠»Кылыгырас кылыһахтаах этээччи» — Айаана Антонова (ИП Н.В.Николаева) 

— ⁠»КЭСКИЛЛЭЭХ ЭТЭЭЧЧИ» анал аат — Дьулус Антонов (Сиэдэрэй Сэмэн сыдьааннарыттан 10000 солк. харчынан) 

— ⁠Арылхан Мойтохонов (Үөһээ Бүлүү) — Анал бириис (Галина Васильевна Гурьева туруорбут анал бирииһэ) 

— ⁠3 үрдэл — Александр Кириллин (Пахомова Марфа Игнатьевна аатынан оҕолоро туруорбут 10000 солк харчынан), 

— ⁠3 үрдэл — Мария Додохова («Драгоценности Якутии» маҕаһыынтан 10000 солк сертификат уонна «Киэргэл» ИП Егорова А.Е. бирииһэ), 

— ⁠1 үрдэл — Валерий Платонов («АЛМАЗЭРГИЭНБАНК» Ньурбатааҕы филиалыттан ДНС маҕаһыыҥҥа 25000 солк сертификат). 

      Орто саастаах этээччилэргэ: 

— 3 үрдэл — Никита Семенов-Куорсун (ИП А.А.Григорьева эһэтин Н.С.Николаев-Быһыкаат аатынан 10000 солк харчынан), 

— ⁠2 үрдэл — Андрей Сивцев-Лөкөөрүн (Степанов В.В.-Хомпуоһап уонна Матвеева М.С. аатынан оҕолоро, сиэннэрэ туруорбут 20000 солк харчынан), 

— ⁠1 үрдэл — Таисия Кучурова (Гиннес кинигэтигэр уһун тыыннаах оһуокайдьытынан киирбит, СӨ Дархан этээччитэ Степанов Прокопий Николаевич аатынан оҕолоро, сыдьааннара туруорбут 30000 солк ДНС маҕаһыыҥҥа сертификат). 

      Аҕа саастаах оһуохайдьыттарга: 

— Семенова Галина Иевна — анал бириис («АЙАР» кинигэ кыһата) 

— ⁠Степанов Валерий Гаврильевич — анал бириис («АЙАР» кинигэ кыһата) 

— ⁠»Хомоҕой хоһоонноох этээчи» — Никифорова Люция Даниловна («Маяк» маҕаһыын бирииһэ), 

— ⁠Афанасьева Аграфена Александровна — анал бириис Тарбыйах (МТС-Агро), 

— Дмитрий Васильевич Колесов — анал бириис  Тарбыйах (Люция Даниловна Никифорова туруорбут бирииһэ)

— ⁠3 үрдэл — Валентина Егоровна Сухаринова (Василий Титигиров аатынан оҕолоруттан Ларь морозильник), 

— ⁠2 үрдэл — Михаил Егорович Софронов (Семенов Николай Максимович — Тоҥсуу Ньукулай аатынан оҕолоруттан, сыдьааннарыттан 25000 харчынан бириис), 

— ⁠1 үрдэл — Тамара Григорьевна Дмитриева (СӨ үтүөлээх этээччитэ Ирина Семеновна Васильева туруорбут Убаһа бирииһэ)

       Киэҥ Ньурба «Сүгүрүйүү» оһуохайын «ДАРХАН ЭТЭЭЧЧИТЭ Күндээдэттэн ГАЛИНА Васильевна ГУРЬЕВА буолла уонна Кыайыы 80 сылынан 80 000 солк. бирииһи тутта!

      Оһуордаах оһуохай күрэҕин өйөөбүт, күүс-көмө буолбут, бириис арааһын спонсордаабыт бар дьоммутугар, талыы-талба талааннаах биир дойдулаахтарбыт сыдьааннарыгар, урбаанньыттарга, тэрилтэлэргэ уонна биирдиилээн үтүө дьоҥҥо үгүрү-сүгүрү буоллун! Чөл-чэгиэн буолуҥ, ситиһии сиэтиилээх олоҕу баҕарабыт!