Балаҕан ыйын 21 күнэ — Сунтаар улууһун күнэ!

«Сунтаар улууһа (оройуона)» муниципальнай оройуон дьаһалтатын уонна оройуон депутаттарын Сэбиэтин ааттарыттан ытык-мааны улууспут дьонун-сэргэтин «Сунтаар – Олоҥхо дойдута» Сунтаарбыт улууһун күнүнэн ис сүрэхтэн итиитик-истиҥник эҕэрдэлиибит!
Сунтаар улууһун күнүн биһиги 2017 сыллаахтан саҕалаан улуус депутаттарын Сэбиэтин 37 сессиятын быһаарыытынан балаҕан ыйын 21 күнүгэр бэлиэтиибит. Бу кэрэ-бэлиэ бырааһынньык биир сомоҕобутун, доҕордоһуубутун, улууспут историятын, инникигэ эрэлбитин, төрөөбүт дойдубут сайдыытын кэрэһэлиир. Бүгүҥҥү күҥҥэ Сунтаар улууһа социально-экономическай туруга уонна кыаҕа киэҥ. Тыа хаһаайыстыбата, бырамыысылыннас, дьиэ уот уонна суол тутуута тэтимнээхтик сайдар. Тыа сиригэр тупсаҕай оҥоруу, дьиэ-уот коммунальнай өҥөтүнэн сөптөөхтүк хааччыйыы, нэһилиэнньэ доруобуйатын туруга, ыччат үөрэҕи ылыыта, култуура төрүт үгэстэрин чөл хаалларыы, онтон да элбэх тыын суолталаах боппуруостарга сөптөөх үлэлэр бара тураллар. Билигин биһиги Аҕа көлүөнэ чаҕылхай ситиһиилэринэн ситимнэнэн, бүгүҥҥү бөҕө туруктаах олохпут акылаата оҥостон, улууспут инники кэскилин удьуорун быһаччы, итиэннэ кэлимник сибээстээн өссө эбии хаҥата, сайыннара, туругурда турарга сыал-сорук уурабыт.
Сунтаарбыт улууһун олохтоохторун бүгүҥҥү үөрүүлээх күнүнэн өссө төгүл эҕэрдэлиибит! Баҕарабыт улууспут инниктин өрүү сайда турарыгар, хас биирдии киһиэхэ таһаарыылаах үлэни, кытаанах доруобуйаны, этэҥҥэ буолууну уонна дьолу-соргуну!
Үүнэ-чэчирии тур барҕа баайдаах, бастыҥ дьонноох Сунтаарбыт улууһа!

«Сунтаар улууһа (оройуона)» муниципальнай оройуон баһылыга Анатолий Васильевич Григорьев

Сунтаар улууһун депутаттарын сэбиэтин бэрэссэдээтэлэ Ульяна Дмитриевна Попова