Бөөлүүн Амматтан кэллибит…

Бөөлүүн Амматтан кэллибит. Амма суолунан айаннаан, баран-кэлэн баран салынныбыт. ???‍♀️
Суол куһаҕаныттан аны барбатах киһи диэн санаа кэллэ?
Суолга быыл өрүкүйэн, бур5ачыйан олоруута, сэбиэскэй кэминээҕи «Буордаах Бороҕон» суолун санатта!
Амма бэйэтэ да Дьокуускайтан ыраах сытар улуус. Өр айаннаан киһи сылайан баран, тиийэр дойдута.
Суоллара барыта оҥхой, холлороон, боруоста массыынаны ыла-ыла быраҕаттыыр диэбит курдук. Тоҕо саатар кэмиттэн кэмигэр грейдэрдээбэттэрэ буолла? Суолга утары иһэр массыыналар быылтан олох көстүбэттэр. Аны обгоннаан ааһар массыыналар эмиэ быылы өрүкүтэн ааһаллар. Айанныырга олох сэрэхтээх бөҕө эбит. ? Түүн айанныыр массыына арыый аҕыйах этэ гынан баран, син биир ДТП-ны көрдүбүт, куорат диэки барыыга үс кыра иномарка масыыналар «паровозик» буолан тураллар этэ!
Мэҥэ-Хаҥалас — Амма суолларыгар быылы хаптатан, уу кутуута эҥин диэн, саатар, суох эбит??‍♀️
Уопсайынан, суолларын тоҕо оҥостубаттара эбитэ буолла диэн санаа үүйэ-хаайа тутта биьигини.
Итинник куһаҕан суолларынан туристыы барар дьон туох санаалаахтара буолла дьэ??