Академия куннэрэ улууска

Дьөккөн нэһилиэгэ улуус кииниттэн Бүлүү куоратыттан 113 км ыраах, Дьокуускай – Бүлүү айан суолун кытыытыгар сытар орто нэһилиэк буолар. Дэриэбинэ Эбэ диэн ааттаах күөл таһыгар 1931 сыллаахха олохсуйбут. 1951 сыллаахха холкуос бөдөҥсүйүүтүгэр нэһилиэк киинэ ханна буоларын ыйытыытыгар элбэх кэпсэтии ыытыллыбыт. 1951 сыл сэтинньи 19 күнүгэр улахан мөккүөрдээх мунньах кэнниттэн, куоластааһын түмүгүнэн Алааска буолбут. Биир сыл буолан баран нэһилиэнньэ санаатын учуоттаабатахпыт диэн оруйуон салалтата хос мунньахтаан нэһилиэк киинин Дьөккөҥҥө буоллун диэн быһаарыы тахсыбыт. Алаастан дьиэлэри көтүрэн төттөрү көһөртөөбүттэр.
Онон Дьөккөн нэһилиэгэ 245 саастаах Бүлүү улууһун кырдьаҕас нэһилиэгэ буолар. Ол да иһин бу нэһилиэктэн үүнэн-сайдан тахсыбыттар эбит икки Герой — Сэбиэскэй Сойуус дьоруойа Николай Алексеевич КОНДАКОВ уонна Социалистическай үлэ дьоруойа Алексей Николаевич ЧЕРКАНОВ.

Дьөккөн нэhилиэгин баһылыга Альбина Ионовна ИОНОВА уонна оскуола директора Егор Егорович ПЕТРОВ СГТХА делегациятын көрүстүлэр.
Академия сыллата тэрийэр “Академия күннэрэ улууска” диэн проегынан дириҥ ис хоһоонноох,элбэх хайысханы хабар тэрээһини оҥорон саҕалаабыта ыраатта. Бу күннэргэ Уус Алданынан, Сунтаарынан тэҥҥэ тэрээһиннэр буола тураллар. Элбэх оскуола оҕото, учууталлар, тыа хаһаайыстыбатын араас хайысхатын салайааччылара, специалистара, улуус администрациятын аҕа баһылыктара, солбуйааччылара бары бииргэ түмсэн үөрэх систематыттан саҕалаан, тыа хаһаайыстыбатын сайдыытыгар, кадры бэлэмнииргэ этиилэр киирдилэр, төгүрүк остуол тула араас хабааннаах кэпсэтиилэр уонна интириэһинэй бииргэ үлэлииргэ аналлаах проектар үөскээтилэр.
Саха государственнай тыа хаһаайыстыбатын академиятын ректора Иван Иванович СЛЕПЦОВ салайааччылаах делегация кулун тутар 10 күнүгэр Бүлүү улууһун Дьөккөн нэһилиэгэр сырытта.

Бу тэрээһин икки чаастан турар анал бырагыраамманан улэтин саҕалаата, эбиэккэ диэри оскуола оҕолорун, учууталлары кытта көрсүһүү буолла. Физика5а, биологияҕа, химияҕа консультация бэрилиннэ, манна чугас сытар нэһилиэк оҕолоро эмиэ кыттыыны ыллылар, ол курдук Бороҕон, Бөтүн, Лөкөчөөн оскуолатыттан барыта 40 оҕо уонна 28 учуутал кыттыыны ыллылар. Бу оҕолор истэригэр Бороҕон орто оскуолатын үөрэнээччилэрэ ФЕДОРОВА Туймаада уонна АЛЕКСАНДРОВ Арнольд “Сир эдэр хаһаайына” диэн республикатаа5ы проект кыттыылаахтара кэлэн сэҥээрэн, наадыйар ыйытыыларыгар эппиэт ылан, тыа хаһаайыстыбатын академиятыгар үөрэнэ кэлэллэрин туһунан сэргээн кэпсээтилэр.
Манна саҥа сүүрээн быһыытынан бэлиэтээн эттэххэ, Академия психолога Ирина ВАСИЛЬЕВА сэргэхситтэ, кини Академия иһинэн тэрийбит педагогическай этэрээтин оҕолоро араас хабааннаах оонньууну ыытан нэһилиэнньэни сэргэхситтилэр.
Эбиэттэн киэһэ, тэрээhин иккис чааha төгүрүк остуолтан саҕаланна. Манна кыттыыны ыллылар нэһилиэк олохтоохторо, төрөппүттэр, учууталлар, производственнай кооперативтар салайаачылара уонна олохтоох дьаһалта бары үлэһиттэрэ, ону сэргэ Бүлүү улууһун бастакы солбуйааччыта Василий Тимофеевич ЛУКИН, тыа хаһаайыстыбатын управлениятын салайааччыта Иван Николаевич ТАРАСОВ уонна специалистара буолан бэрт сэргэх кэпсэтии буолла. Элбэх этиилэр киирдилэр, ол курдук студеннар практикаларын тыа сиригэр, чуолаан Бүлүү нэһилиэктэригэр ыытарга, тыа хаһаайыстыбатын специалистарыгар наадыйалларын уонна оҕолор сайыҥҥы лааҕырдарыгар эмиэ студеннары ыытаргыт буоллар диэн эттилэр. Бүлүү улууһа тыа хаьаайыстыбатын бородууксуйатын оҥорон таһаарарга элбэх үлэни ыытар эбит, онно чуолаан устудьуоннар кэлэн үөрэнэн уонна көмө да буолуо диэн ис хоһоонноох этиилэр киирдилэр. Иван Иванович Слепцов Академия сайдар са5ахтарын, саҥа хайысхалар үөрэх чааһыгар киирбиттэрин, ирдэбил быһыытынан тас дойдулар таһымнарыгар тахсан эрэрин бэлиэтээтэ, ол курдук Казахстаҥҥа биһиги 10 устудьуоммут таһаарыылаахтык үөрэнэ сылдьалларын, Казахстантан манна эмиэ 10 устудьуон уөрэнэ сылдьалларын, Баварияҕа барыахтаах устудьуоннары кытта үлэ бара турарын туһунан дириҥник кэпсээтэ.
Дьөккөн, Бороҕон уонна Бөтүҥ орто оскуолатын директордара эмиэ араас хайысхалаах этиилэри киллэрдилэр, ол курдук “Академия выпускниктара оскуолаҕа кэлэн биология, химия учууталларынан үлэлииллэрэ буоллар” диэн интириэһинэй “агро” уонна “педагогика”, агропедагогика диэн саҥа термины туттар буолбуттарын бэлиэтээтилэр. Академия салалтата бу этиллибит хайысхаҕа сөп дьүөрэлээн бэйэтэ саҥа көрүүнү оҥоро сылдьар, ол курдук агро оскуоланы биир бастакынан Өрөспүүбүлүкэҕэ төрүттэспит киһинэн профессор А.В. ЧУГУНОВ буолар. Афанасий Васильевиһы билбэт агро оскуола суох, кини идеятын, бырайыагын элбэх оскуола киллэрэн таһаарыылахтыык yлэлии сылдьаллар.
Тэрээһин Саха государственнай тыа хаһаайыстыбатын академиятын устудьуоннара кыттыылаах улахан кэнсиэринэн түмүктэннэ. Кыттыыны ыллылар “Нуурал” ырыа ансаамбыла уонна «Сандал» этнотруппа. Бу буолар бары бүттүүн холбоһон үөрэх тэрилтэлэрэ, нэһилиэнньэ, төрөппүт, оҕо-аймах сайдыытыгар уурар кылааппыт. Салгыы Академия делегацията Балаҕааччы нэһилиэгэр айаннаатылар. Ол туһунан сиһилии аныгыскыга ааҕаарын!

Если вы увидели интересное событие, присылайте фото и видео на наш
Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору. Спасибо!
Система Orphus
Наверх