АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
2
Ясно
КУРС ВАЛЮТ
Курс ЦБ
$  63.98
 71.72
18+
ЛЕНТА НОВОСТЕЙ
Архив новостей
ААР АЙЫЫ ИТЭҔЭЛЭ
21 июля 2014, 13:31
3425

Аар Айыы Итэҕэлин дьиэтин тиэргэнигэр Айыы Аартыгын арыйар Үс Ытык сэргэ туруорулунна

         

Күп-күөх ыраас халлаанна, күн чаҕылыччы тыган, үрдүк халлаантан Аар Айыылар үтүө харахтарынан көрөн  үтүө күн буолла. Аар Айылҕа үөрэн-көтөн, кэтэһиилээх кэрэ түгэн кэллэ. 

        

Сэргэлэри норуот маастара, биллиилээх мас ууһа,  Художественнай училище преподавателя, 27 сыл устата оҕолору маһынан уһанарга үөрэтэччи Дорофей Харлампьевич ЯКОВЛЕВ салалтатынан үс буолан оҥордудар. Дорофей Харлампьевич төрүт оҕо эрдэҕиттэн уһаныыннан дьарыктаммыт киһи.

        

Уон сыл анараата, Сунтаарга Айыы Арчытыгар Улуу Айыы Ойууна Владимир Алексеевич Кондаков анал сорудаҕынан  Уон икки сэргэлээх Айыы Аартыгын оҥорбута.                         

 

Дьокуускайга Аар Айыы Итэҕэлин дьиэтигэр туруохтаах сэргэлэр туһунан кэпсэтии, эскизтэри оҥоруу кыһыҥҥыттан саҕаламмыта.  Оттон улэтэ  аҕыйах кэм иһигэр оҥоһулунна. Дорофей Харлампьевич үлэтигэр үөрэнээччитэ – Семен Самсонович ИННОКЕНТЬЕВ уонна сиэнэ — Дорофей Харлампьевич ЯКОВЛЕВ көмөлөстүлэр. Семен Иннокентьев көмүсчүт уонна график үөрэҕин бүтэрбит маастар. Дорофей Яковлев — эһэтиттэн үөрэнэн, бииргэ улэлэһэ сылдьар.

 

Ытык сэргэлэр туруорууларын сиэрин-туомун Аар Айыы Итэҕэлин Урдук кэрдиистээх Алгысчыта Августина Ильинична ЯКОВЛЕВА толорон улахан алгыһы ыытта.

          

Владимир Алексеевич КОНДАКОВ аатынан СР Норуот Эмчиттэрин Ассоциациятын үлэтин өйдүүр-өйүүр, өр сылларга алтыспыт дьоннор кэлэн кыттыыны ыллылар.

Нина Иннокентьевна ПРОТОПОПОВА — Саха Сирин ытыктабыллах  суруналыыһа, суруйааччыта: “ Биһиги итэҕэлбит билиниллэн оннун булла. Владимир Алексеевич Кондаков тэрийбит Ассоциациятын улэһиттэригэр бастатан туран махтанабын. Кинилэр туруулаһыыларынан Саха итэҕэлэ — Аар Айыы итэгэлэ сокуонунан бигэргэтилиннэ. Августина Ильинична ЯКОВЛЕВА, Тамара Тимофеевна ТИМОФЕЕВА уонна кинилэри тула түмсэр талааннаах, айдарыылыых дьон, норуот духовнай лидера — Владимир Алексеевич Кондаков аатын үйэтитиигэ элбэхтик улэлииллэр, кини үөрэҕин тарҕаталлар, норуокка тиэрдэллэр. Ол биир бэлиэтинэн  бүгүҥҥү үөрүүлээх күн буолан  үс Аар Сэргэ туруорулунна. Дьон сэргэ манна кэлэн алгыс ылар сирдэрэ буола турдун диэн алгыыбын”.  

 

Николай Прокопьевич ВАСИЛЬЕВ — суруналыыс: “Владимир Алексеевич Кондаков Ассоциацияны тэрийиэҕиттэн, суруналыыс быһыытынан Владимир Алексеевич кинигэлэрин редакциялаан, бар дьоҥҥо тиийэригэр көмөлөспүтүм. Бу күннэргэ диэри үлэлии сылдьабын. Аҕыйах хонуктааҕыта «Айыы ойууна” романы иккистээн таһаардыбыт. Кондаков уопсайа норуотугар отуттан тахса кинигэни суруйан хаалларда. 

       Бүгүҥ үс сүҥкэннээх Сэргэ туруута,  норуокка барытыгар улахан суолталаах. Владимир Алексеевич бэйэтин норуотугар анаан ыыппыт үлэтэ салҕана турар. Ассоциация бүгүҥҥү үлэһиттэрэ ол үлэни ыыта тураллар: ыччаты, дьону — сэргэни Итэҕэлгэ түмүү өссө да салганан бара туруо диэн эрэнэбин. Үлэһиттэргэ улаханнык  махтанабын”.

 

Биллиилээх Саха композитора Владимир Васильевич КСЕНОФОНТОВ: Саха норуота музыкальнай өттүнэн наһаа сайдыылаах, күүстээх дьайыылаах айымньылардаах. Биһиги Владимир Алексеевичтыын “Аар Тойоҥҥо Алгыс” диэн операны  суруйан  таһаарбыппыт. Ити  аан бастаан Саха норуотугар айыллыбыт улахан духуобунай опера буолар.

     Владимир Алексеевич Кондаков  өбүгэлэрбититтэн  кэлбит  дьиҥнээх Саха норуотун итэҕэлин киллэрбитигэр биһиги киниэхэ улаханнык махтанабыт. Кини тэрилтэтигэр өссө күүһүрэригэр, тэнийэригэр, Аар Айыылар дьиэлэрэ хас биирдии улууска баар буолалларыгар баҕарабын. Оччоҕо эрэ итэҕэлбит күүһүрүө, тэнийиэ”.

        

Саха эстрадатын чаҕылхай сулуһа — ЛЭГЭНТЭЙ эдэр дьон аатыттан эппитэ: “Мин Аар Айыы дьиэтигэр кэлбитим номнуо  үс сыл буолан эрэр. Владимир Алексеевич Кондаков дьайыыта барбытын да кэннэ, күүстээхтик кэлэн — биллэн ааһар. Мин бэйэм олохпор кини алгыстарын илдьэ сылдьарбынан киэн туттабын. Саха Сиригэр баар түмсүүлэргэ, бу үөрэх тула түмсүөххэйиҥ диэн этиэхпин баҕарбын».

 

Аар Айыы Итэҕэлин дьиэтэ:  Сот. Ытык-Күөл, 9 B.

Тел. 89142968672, 89142573984.

Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ