Күндү төрөппүттэр, оҕолор, күндү көрөөччүлэрбит!
Саха театра эһиэхэ эрэ анаан
Бэс ыйын 1-2 күннэригэр
«КЫРА ТЫГЫН» испэктээкилгэ ыҥырар.
Испэүтээкил кэнниттэн Саха театрын артыыстара оҕолорго анаан оонньуулары ыытыахтара.
Эһигини күүтэллэр фэйсарт, көрдөөх оонньууллар. Оонньууга кыттыбыттарга барыларыгар наһаа үчүгэй бириистэр!
Испэктээкил икки эрэ күн көстүөҕэ!
Аптаах түгэни мүччү тутума
Күндү кырачаан доҕорум!
Мин аатым Кыра тыгын диэн.Мин олорор планетабар үс булкааннаахпын уонна таптыыр кэрэ Розалаахпын. Планетабын алдьатар баобаб араскыларын сиэтээрибин бараан оҕотун көрдүү эн планетаҕар кэллим. Өссө мин таптыыр Роза сибэккибэр хахха булуохтаахпын. Эн миэхэ көмөлөһүөҥ дуо? Мин бэс ыйын 1-2 күннэригэр 15.00 ч Саха театрыгар баар буолуом, Эн онно хайаан да кэлээр. Мин Эйиэхэ халлаан эттиктэрин устун мүччүргэннээх айаным туһунан аптаах остуоруйаны бэлэхтиэм уонна Эйигин кытары көрсөн хаартыскаҕа түһүөм. Мин доҕотторум Эйиэхэ оонньуу оонньотуохтара, күрэхтэри тэрийиэхтэрэ уонна араас эгэлгэ оонньуурдары бэлэхтиэхтэрэ.
Эн доҕоруҥ Кыра тыгын
Күндү көрөөччү, улахан киһи!
Эн хаһан эрэ оҕо этиҥ. Эргийбэт оҕо сааһыҥ көмүс күннэригэр ыра санаа туолуутугар, истиҥ доҕордоһууга, үтүө санаа үйэлээх буолуутугар, ыраас тапталга эҥкилэ суох итэҕэйэриҥ. Оттон билигин ол ыраас ыраларыҥ ханна эрэ сүппүттэр, симэлийбиттэр, улахан дьон кыһалҕатынан солбуллубуттар. Ол эрээри мин билэбин, эн сүрэххэр оҕо сааскар хаалбыт кырачаан оҕо бэйэҕин син биир илдьэ сылдьаргын. Оҕо эрэ сүрэҕинэн дьиҥи өтө таайар, курдат көрөр. Мин Эйигин биир эрэ күн оҕо сааскар төнүннэрэн, эн кырачаан бэйэҕин үөрдүөхпүн, дьоллуохпун баҕарабын.
Бэс ыйын 1-2 күннэригэр күнүс 15 ч. Саха театрыгар Эйигин уонна Эн доҕотторгун күүтэбин. Хайаан да кэлээр.
Эн оҕо сааһыҥ доҕоро Кыра Тыгын
