1972 сыллааҕы Мюнхеннааҕы ХХ сайыҥҥы Олимпийскай оонньуулар спорду таптааччыларга барыларыгар хаһан да умнуллубат улахан үөрүүнү аҕалбыттара.
Советскай спортсменнар 50 кыһыл көмүс мэтээли ылары ситиспиттэрэ !
Оонньуулар үрдүк наҕараадаларынан – Олимпийскай Кыһыл Көмүс мэтээлинэн биһиги биир дойдулаахпыт Роман Дмитриев бэлиэтэммитэ.
Кини көбүөргэ туох баар сатабылын барытын туһанан харса суох киирсибитэ.
Бары хапсыһыыларга үрдүк маастарыстыбатын, кытаанах, сынтарыйбат характерын көрдөрөн, утарсааччыларын барыларын баһыйан, Олимпиада чемпионунан буолбута.
- Олохпор саамай бэлиэ күнүм ханныгый диир буоллахха, биллэн турар, 1972 сыл атырдьах ыйын 31 күнэ!
Ити күн миэхэ олимпийскай кыһыл көмүс мэтээли туттарбыттара, — диэн турардаах Роман Михайлович Дмитриев?
Спорт историятыгар бу биир чаҕылхай кэрэ бэлиэ түгэҥҥэ биһиги ытыктабыллаахтык сыһыаннаһан, дьоһуннук бэлиэтиэхтээхпит.
Уруккуну умнуо суохтаахпыт. Сыаналыахтаахпыт. Өйдөөн-санаан ааһыахтаахпыт. Инникини түстүөхтээхпит.
Ытыктабыллаах куорат олохтоохторо уонна ыалдьыттара!
Эһигини, Роман Дмитриев Мюнхеннааҕы 1972 сыллааҕы Олимпиадаҕа кыайыытын 50 сыллаах өрөгөйүнэн сибээстээн атырдьах ыйын 31 күнүгэр Роман Дмитриев пааматынньыгар сибэкки дьөрбөтүн ууруу сиэригэр-туомугар ыҥырабыт.
⚡️Буолар сирэ:
Дьокуускай куорат,
Комсомольскай болуоссат,
Р.М. Дмитриев скверэ.
Бириэмэтэ — 12:00 чаастан.
Чыыьылата — атырдьах ыйын 31 күнүгэр (бүгүн)