АФИША КАРТА ЯКУТСКА 2GIS Билеты онлайн
ПОГОДА
-39
Туманно
КУРС ВАЛЮТ
Курсы валют
Курс ЦБ
$  58.90
 69.43
ЛЕНТА НОВОСТЕЙ
Архив новостей
Сахалыы
27 сентября 2017, 11:56
723

Ыраахтааҕы тыйаатыра ыалдьыттаата

Бэҕэһээ сөҕө, кэрэхсии ыраахтааҕылар чыйаатырдара — Александринскай театр улуу Шекспир «Укрощение строптивой» спектаклын көрдүм.

Бэйэ иһигэр хаатыйаламмыт дьоҥҥо бу Хотугу Пальмира чыйаатыра уонна литовец режиссер Оскарас Коршунавас айымньылара уратытын көһүннэ. Артыыстар саҥаларын дуораана, дорҕооно атын. Нуучча рогун биһигэ Ленинград тыына биллэр. Литовец режиссер Европалыы менталитета өтө көстөр. Бу спектакль классика буолбатах — абсурд, авангард, синтез, эксперимент барыта баар. Хас эмэ үйэ тухары Шекспири классическайдык туруоруу кэннэ аныгы режиссердар бу ньымалара суох саҥаны этэллэрэ, киллэрэллэрэ даа уустуга чахчы…

Мин режиссеру сөбүлээтим диэбэппин эрээри ылынным. Көрөөччүнү кытта тыыннаах ситими баар, спектакль көрөөччүнү сылаппат, аралдьыппат — тэтими тутар. Кини үлэтин быһах биитигэр үҥкүү, сахалыы эттэххэ өлүү халбас хара быатыгар биэтэҥнээһин быһыытынан сыаналыыбын. Кыратык халыйда, туораата, сыыһа үктэннэ да айымньы эстетикэтин, гуманизмын сүтэрэр кыахтааҕа тыҥааһына үөскэтэрэ эрээри, режиссер Оскарас Коршунавас улахан маастар буоларын бигэргэттэ — эстетикэни алдьаппата, баабыры бэркэ тэһииннээтэ. Онон Александринскай театрга өссө төгүл: «Браво!» диибин.

Саха сирин чыйаатырдара кинилэртэн артыыс пластикатыгар, мизансценаны туһаныыга уонна көрөөччүнү кытта ситими тутууга үөрэниэхтэрин сөп эбит.

Чэ, ситинник. Салгыы көрөн-билэн иһиэхпит. Гастроль салҕанар!

Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ПОСЛЕДНИЕ МАТЕРИАЛЫ