АФИША КАРТА ЯКУТСКА 2GIS
ПОГОДА
-1
Слегка облачно
КУРС ВАЛЮТ
Курсы валют
Курс ЦБ
$  57.02
 61.96
ЛЕНТА НОВОСТЕЙ
Архив новостей
Сахалыы
13 февраля 2017, 13:01
385

Владимир Тихонов: Ийэ тылбыт – илгэлээх олох төрдө

Сахалыы сайдам тылынан саҥарар биир дойдулаахтарбыт,
Эһигини төрөөбүт тыл, сурук-бичик күнүнэн истиҥник эҕэрдэлиибин! Ийэ тыл – олоҕу тутар сүдү күүс, өбүгэ муудараһын, духуобунай баайын иҥэринэ сылдьар ураты эйгэ.
Саха итэҕэлэ, олоҕу анаарыыта – тылыгар баар: тылынан айылҕаттан күүс-уох көрдөһөр, тылынан хомолтотун, биитэр үрдүк үөрүүтүн үллэстэр, алгыс ураты күүһүнэн көмүскэл,харысхал оҥостор, тыл сүмэтин улуу Олоҥхотугар илдьэ сылдьар.
Ол иһин төрөөбүт төрүт тылбытын, кини ураты кэрэтин, үйэлэри уҥуордаабыт өбүгэ төрүт өйдөбүллэрин харыстаан, бүөбэйдээн кэлэр көлүөнэ ыччакка иҥэрэр – ытык иэспит.
Хайа да омук уратыта, өркөн өйө, кэрэтэ – кини тылыгар. Дириҥ силистээх-мутуктаах чиргэл тиит сиртэн тирэнэн турарын кэриэтэ омук тирэҕэ – тыл. Ийэ тылбыт – үйэлээх буолуу, илгэлээх олох төрдө.
Биһиги тылбыт силигилии сайдарыгар сүҥкэн кылааты киллэрбит саха чулуу уола, тумус туттар киһибит – Семен Андреевич Новгородов быйыл төрөөбүтэ 125 сылын бэлиэтиибит.
Кини олоҕун тылы үөрэтиигэ, үйэтитиигэ анаан, биһиги, саха норуота, үөрэҕи баһылаан, сайдыылаах буоларбытыгар суолу тобулбута.
Семен Андреевич олорон ааспыт дьоһуннаах олоҕор учуонай-лингвист, публицист, фольклорист, государственнай деятель быһыытынан элбэҕи оҥорбута, сахатын дьонугар инникигэ эрэли үөскэппитэ. Бу буолар — төрөөбүт норуокка, дойдуга, дьоҥҥо-сэргэҕэ бэринии чаҕылхай холобура.
Бүгүн, олунньу 13 күнүгэр, ийэ тылбытын кытары Семен Новогородов өлбөөдүйбэт үтүө аатын киэн тутта ааттыаҕыҥ, сахабыт тылын таптыаҕыҥ, үөрэтиэҕиҥ уонна үйэтитиэҕиҥ!

Источник: Саха Өрөспүүбүлүкэтин култуура уонна духуобунай сайдыы миниистирэ Владимир ТИХОНОВ
Если вы стали очевидцем интересного события или происшествия, присылайте фото и видео на Whatsapp +7(924) 800-30-80
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ПОСЛЕДНИЕ МАТЕРИАЛЫ