АФИША КАРТА ЯКУТСКА 2GIS Билеты онлайн
ПОГОДА
9
Ясно
КУРС ВАЛЮТ
Курсы валют
Курс ЦБ
$  59.36
 69.72
ЛЕНТА НОВОСТЕЙ
Архив новостей
Сахалыы
8 августа 2017, 0:40
2609

Тоҕус тамада ыыппыт ураты уруута

Саха сирин үрдүнэн чөл олох туһугар үлэ барар. Маныаха кыттыһан, Чурапчы улууһун тамадаларын түмсүүтэ (салайааччы Оксана Жиркова) нэһилиэнньэҕэ арыгыта суох урууну тэрийбит ыалга тамада уонна муусуканан киэргэтии өҥөтүн буор босхо оҥорорго ыҥырыы таһаарбыта.

Ыҥырыыны эдэркээн Вероника уонна Дмитрий Марковтар өйөөннөр, атырдьах ыйын 6 күнүгэр 9 томтордоох Чурапчыга 9 тамада ыыппыт дьоро күнэ бэрт сэргэхтик барда.

Уоллаах кыыс, бары ыалдьыттар бука бары сахалыы таҥнан муһуннулар. Саха сирин отуттан бэлэмнэммит утахтардаах, сахалыы астаах кэнди-бар дьону көрүстэ.

Уруу сиэрэ-туома сахалыы барда, сынньалаҥҥа оһуохай дьиэрэйдэ, сахалыы остуол оонньуулара тэрилиннэ.

Бу дьоро күҥҥэ анаан төрөппүттэр биэ ыан, дьиҥнээх саха кымыһын ииттэрэн, арыгылаах бытыылкалар оннуларыгар чороонноох кымыстары аймах кыргыттар киллэрдилэр. Эдэрдэр дьоллорун тустапыгар 200 ыалдьыт бука бары арыгылаах бакааллар оннуларыгар кырылыы кыынньар чороонноох кымыһы уруйдаан-айхаллаан көтөхтүлэр. Ырыа Саарын уруу киэһэтин сахалыы ырыатынан -тойугунан киэргэттэ. Кэм кэллэ, үйэ уларыйда! Сахалар, норуоппут инники кэскилин туһугар дьоро күннэрбитин арыгыта суох ыытыаҕыҥ! Чурапчы тамадаларын түмсүүтүн үтүө холобурун батыһан, сир аайы арыгылаах бакаалы киэр ууран, кырылыы кыынньар саха утаҕын — чороонноох кымыһы дьол туһугар көтөҕүөҕүҥ!

comments powered by HyperComments
Источник: Сетевое издание SAKHALIFE.RU
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ПОСЛЕДНИЕ МАТЕРИАЛЫ