АФИША КАРТА ЯКУТСКА 2GIS
ПОГОДА
1
Ясно
КУРС ВАЛЮТ
Курсы валют
Курс ЦБ
$  56.94
 61.81
ЛЕНТА НОВОСТЕЙ
Архив новостей
ААР АЙЫЫ ИТЭҔЭЛЭ
1 марта 2016, 15:09
1643

Табага холуонньатыгар Айыы Арчытыгар АЛГЫС сиэрэ-туома

Пятница күн 26 чыыһылаҕа ИК 7 Табага холуонньатыгар тахсан Аар Айыы Итэҕэлин алгысчыта Тамара Тимофеевна ТИМОФЕЕВА ыйдааҕы АЛГЫС, сиэр-туом ыытта.

Айыы Арчытын сыллааҕы былаана УФСИНы кытары согласованнай да барар саҕана сатаныа суох курдук балаһыанньалар буола сырытттылар. Прокурорскай проверка кэлэн сыыһалара-халтылара элбээн аны атын комиссия кэлэр үһү. Онон эһиги атын күҥҥэ көһөрүөххүтүн наада диэн буолбута.

Пресс службаттан Павел МАКАРОВ тиийэ сатыам, кыаллыбатаҕына Вячеслав Михайлович да хаартыскаҕа түһэриэ диэбитэ. ИК 7 фотоаппараппыт алдьаммыта диэни хаһан эрэ истэн, бэйэм киэнин сэрэххэ илдьэ барбытым. КПП хаалларыҥ, анал көҥүлэ суоххун диэн бобустулар. Режимнай зона быраабылата атынын билэбин. Ону мин туруорустум. Хата миигин арыаллыыр Вячеслав РЫЖКИН зона начальнигар звоннаабытын – көҥүллээтэ.

Тамара Тимофеевна — ээ, миигин хаартыскаҕа түһэрэр наадата суох диир. Ону эмиэ мин «наада, хайдах атын Таҥараһыттары эрэ оннооҕар УФСИН начальнига бэйэтинэн наар арыаллаабыта араас сайтарга тахсыаҕай?», — диэн хомойбуттаах буоллум.

Хамыыһыйа кэлэригэр барыларын барактарыгар эбэтэр кулуупка киллэртииллэр эбит. Онон ким да кэлбэтэ буолуо диэбиттэр этэ.

Уолаттарбыт түннүккэ кытары күүтэн тураллар. Айыы Арчыбыт салайааччыта ИЛАРИЙБЫТ тахсан көрсөн сыллаталаан ылла. Биир нуучча уолун харабыллаттылар.
IMG_7609 - копия
Тамара Тимофеевна аһара бэрткэ лекция ааҕар эбит. Саҥа уолаттар баар буолан Аар Айыы Итэҕэлин өйдөттө, быһаарда. Барыта олохтон, өс хоһооннорунан холобурдаан кэпсиирэ ордук тиийимтиэ эбит.

Ордук АЛГЫСка хайдах сыһыан, бэйэ этин-сиинин нөҥүө ылынары быһаарыытын уолаттар сэргээтилэр.

Туомнары В.А. КОНДАКОВ Алгыс диэн кинигэтиттэн бары доргуччу ааҕарбытыгар уолаттар бастаан симик соҕустара, кэлин син доргуччу соҕус ааҕааччылар эбиллэннэр эниэргийэ хамсааһына биллэр эбит.
IMG_7595 - копия
Уот оттуох иннинэ оруобуна икки Мохсоҕоллоохтон балыыһаҕа сытар уолаттар киирэннэр эбилиннилэр.
IMG_7586 - копия
Тамара Тимофеевна биир ыалдьар уолу (Мохсоҕоллоохтон кэлбити) уот таһыгар ортобутугар олордон баран киниэхэ анаан барыбытыгар АЛГЫС аахтарда уонна турукка киирэн эмтээтэ.

Сиэр-туом бүтэһигэр чиҥэтэн бары эмиэ ТУОМ аахтыбыт.

Ааспыкка сылдьыбыт уолаттарга анаан туохтара ыалдьарынан Тамара Тимофеевна эмтээх оттору хайдах иһэллэрин быһааран бэйэлэригэр биэртэлээтэ. Ордук туһалыа диэн элбэҕи иһиллибэт, эмтээх оттор бары кэриэтэ дьааттаахтар диэни саҥа иһиттим.

Төгүрүк остуол тула Тамара Тимофеевна сунтаардыы алаадьытын сүөгэйдээн сэлэһэ-сэлэһэ чэйдээтибит.

Кэлии уолаттар «биһиэхэ, Мохсоҕоллооххо сайын тахсаҕын дуо?» диэн ыйытыктарыгар Тамара Тимофеевна «соҕотоҕун барытыгар бэйэм үлэм тас өттүгэр кыайбаппын», -диэтэ.

Уопсайынан, син истэн билэргит буолуо – хаайыы олоҕо туспа сокуоннаах. Сектант, кыһыллар, мөлтөхтөр … диэн клеймолаахтар. Ону ол диэбэккэ Айыыбыт Арчытын уолаттара барахсаттар сүрдээх күүстээх санаалаах буолан тулуһаллар. Дьиҥнээх ИТЭҔЭЛ диэн кинилэргэ баар. Сырыы аайы кыралаан эбиллэллэр.

Тамара Тимофеевна – ууга тааһы бырахтахха долгуннурарын курдук эһиги АЛГЫС ааҕан тулаҕытыгар оннук дьайаҕыт. Онон, төһө элбэх буолаҕыт да соччонон күүһүрэҕит диир.

Уопсайынан мин билбитим, көрбүтүм, туһаламмытым үгүс буолла.

Аар Айыы Итэҕэлин сүрүннээччилэр Августина Ильинична ЯКОВЛЕВА, Тамара Тимофеевна ТИМОФЕЕВА суохтара буоллар итинник режимнай тэрилтэҕэ сүрдээх туһалаах Айыы Арчытын дьиэтэ дьэндьэйэн туруо суох этэ.

Хаайыы диэни элбэх киһи туоратык истэрэ, ылыммата биллэр.

Ону кыратык толкуйдаан көрдөххө — аҕыйах ахсааннаах сахаларга хас биирдии ыалы ханан эмит, хаһан эмит хаайыы диэн ыарахан тыл таарыйбыт буолуохтаах: бииргэ үөрэммит оҕото, ыаллыы олорор киһитэ, чугас аймаҕа, быраата… Аны туран эр дьон эрэ буолбакка дьахтар аймах эмиэ көнө суолтан дьалты барар…

Баара суоҕа икки Далбар Хотуттар Августина Ильинична, Тамара Тимофеевна туох да сүрдээх үлэни оҥороллорун тас өттүгэр холуонньаларга бириэмэ ырыбыллаан үлэлэһэллэригэр мин ис сүрэхтэн кинилэргэ сүгүрүйэбин, киэн туттабын, махтанабын.

Источник: Марина ПЛАТОНОВА, Член общественного совета при УФСИН.
Если вы стали очевидцем интересного события или происшествия, присылайте фото и видео на Whatsapp +7(924) 800-30-80
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ