АФИША КАРТА ЯКУТСКА 2GIS Билеты онлайн
ПОГОДА
-38
Туман
КУРС ВАЛЮТ
Курсы валют
Курс ЦБ
$  56.76
 69.63
ЛЕНТА НОВОСТЕЙ
Архив новостей
Сахалыы
2 февраля 2018, 9:30
636

Сунтаарга сылгыһыт биир сырыыга түөрт адьырҕаны бултаата

Сунтаарга сылгыһыт биир сырыыга түөрт бөрөнү бултаата диэн “Саха” НКИХ иһитиннэрэр.

Адьырҕа кыыл билигин аччык сылдьар кэмигэр дьоҥҥо-сэргэҕэ, сүөһүгэ-сылгыга кутталы үөскэтэр. Бөрөнү бултуурга Сунтаарга тоҕус биригээдэ тэриллэн үлэлиир. Билигин уопсайа 20 бөрөнү бултаатылар. Республика уонна улуус үбүлээһининэн биир бөрө сыаната 40 тыһыынчаҕа тэҥнэһэр.

Тэҥкэҕэ Павел Игнатьев биэс бөрөлөөх ийэ ууһун суоллаан, икки күн бултаһан, түөрт тыһытын өлөрдө. Бу нэһилиэккэ сыл ахсын бөрөлөр мэнээктииллэр. Быйыл икки сылгыны тартылар.

Павел куоракка биллэр кырыылыыр тэрилтэҕэ маастартан саҕалаан салайааччыга тиийэ үлэлээбитэ. Дойдута тардан, тыа сиригэр олохсуйа кэлэн, иллэрээ сыл 1,5 мөл граны ылбыта. Билигин кини хаһаайыстыбатыгар икки базанан турар 50 сылгылаах. Эдэр киһи адьырҕаны бултаһыы бэйэтэ туспа сиэрдээх диэн этэр.

“Мин хаһаайыстыбалаах буоламмын бөрөнү бултуурга дьаһаммытым. Бөрө – олус өйдөөх, киитэрэй кыыл. Онон бултаһарга уустук“, – диэн Павел кэпсиир.

Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ