АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
19
Ясно
КУРС ВАЛЮТ
Курсы валют
Курс ЦБ
$  62.34
 73.37
ЛЕНТА НОВОСТЕЙ
Архив новостей
Сахалыы
7 мая 2018, 21:49
1755

Сунтаар улууһун түмсүүтэ уонна Бүлүү бөлөх ощественнэй тэрилтэлэрэ ыҥыраллар

Бүлүү улууһун общественнай түмсүүлэрин салайааччыта, республикатааҕы «Утум» общественнай тэрилтэ Бүлүүтээҕи салаатын дириэктэрэ Мария Томская: 

«Убаастабыллаах Сунтаар, Бүлүү улууһун общественнай түмсүүлэрин, «Утум» республикатааҕы общественнай тэрилтэтин кыттыылаахтара, республика аhымал үтүө санаалаах бар дьоно! Бүлүү куоратын «Ыллык» общественнай түмсүүтүн чилиэнэ Изаина Львовна баар суох күндү оҕото Валентин Михайлов улахан ыарахан ыарыынан ыарыйда. Быыhанар суол тобула сатаан, Кореяҕа эмтэнэ барбыта. Онно ким хайдах кыахтааҕынан көмөлөһүөххэйиҥ диэн ыҥырабын!»

33 саастаах, Сунтаартан терүттээх Валентин Михайлович Михайлов эдэр, элбэх о5олоох ыал а5а баhылыга. Түөрт кырачаан кэрэ куоларын улаатыннарар түбүккэ күннэтэ эриллэр, бу олохтон үөрэр, дуоhуйар, астынар этэ. Эмискэ үөйбэтэх өттүттэн иэдээн ааҥнаан кэлэн, эдэр ыал халлаана хараҥарда. Ааспыт сыллаахха онколог- быраастар «Десмопластическая мелкокруглеточная опухоль мягких тканей брюшной полости,забрюшинного пространства малого таза с метастазами» диэн дьулаан диагноз туруоран, Михайловтар олохторо тосту уларыйда. Араас суолу тобула сатаан, Валентин бастаан Дьокуускайга , онтон Санкт Петербург куоракка эмтэммит. Арай Корея5а аныгы кыахтаах клиникэ5э тиийэн көрдөрбүтэ эрэл кыыма баар курдук буолла. Эдэр киhи улахан кыhал5а5а ыллара сылдьар. Эмтэнэригэр барыта 2 аҥаар мөллүйүөн солкуобай наада буолла. Билигин дьоно, аймахтара буолан, үп-харчы хомуйа сылдьаллар.

Валентин Михайлов: » Мин ыарыыга бэриниэхпин ба5арбаппын. Ессе да олоруохпун, айыахпын-тутуохпун, о5олорбун улаатыннарыахпын наада. Кэргэним Горнай улууhуттан Мытаах нэhилиэгиттэн теруттээх. 4 о5олоохпут. Кырачааммыт балтараалаах. Биир дойдулаахтарбар көмө буоларгытыгар көрдөhөбүн. Эhиги үтүө5үт уон оччонон эргийиэ! Билигин миэхэ уонна мин дьоммор күүс-көмө, өйөбүл буола сылдьар дьоҥҥо махталым муҥура суох!»

Биир дойдулаахтара Валентиҥҥа көмө аhымал акция тэрийэн эрэллэр.
Ыам ыйын 10 күнүгэр » Сэргэлээх уоттара» культура киинигэр киэhэ 18 чаастан Валентин Михайловка аналлаах кэнсиэр буолуо5а. Онно эстрада ырыаhыттара, эдэр артыыстар, ЯГСХА, культура колледжын устудьуоннарын үҥкүүhүт коллективтара, «Дьикимдэ дьээбэлэрэ» мини-театр кыттыахтара.

Билет туhунан уонна атын информацияны 8964 429 15 43 билсиэххитин сеп.

Валентин Михайловка көмөнү хомуйарга
Сбербанк суотун реквизиттэрэ:
40817810976000193773.
48177600798542574817

Мобильнай баан 8-964-425-22-14 нүөмэргэ баар

АЙЫЫ КИҺИТЭ АҺЫНЫГАС, КҮН КИҺИТЭ КӨМҮСКЭС!

Источник: Александра Кириллина.
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ