АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
-27
Ясно
КУРС ВАЛЮТ
Курс ЦБ
$  65.59
 75.18
18+
ЛЕНТА НОВОСТЕЙ
Архив новостей
Сахалыы
17 октября 2018, 12:47
981

Сир үрүт араҥатын түөрэн ылыы иһин эппиэккэ тардыы

Кэлин кэмҥэ сир сыһыанналаһыыларыгар Федеральнай сокуоннарга киирбит уларыйыылар сири туһаныы уонна харыстааһын өртүн күүһүрдэн уонна  чиҥэтэн биэрдилэр.  Биһиги өрөспүүбүлүкэбитигэр сир быйаннаах үрүт араҥатын хастаан, түөрэн ылан тутууга (хара муостаҕа, данна, сабараанньаҕа), оҕуруокка, уһаайбаны көҕөрдүүгэ уонна да атын сыалларга туттуу практиката тарҕаммыта ыраатта. 

Сир үрүт араҥатын ордук хото быраҕыллыбыт бааһыналартан уонна оһорбо сирдэртэн,  өтөхтөртөн, алаастар уонна үрэхтэр кырдалларыттан түөрэллэр. Бу дьайыы сокуону куруубайдык кэһиигэ киирсэр. Сир быйаҥнаах үрүт араҥата хас эмэ сүүһунэн-тыһыынчалар сыллар усталарыгар уоскуур, дьапталҕаланар уонна хаҥыыр. Алдьаммыт сири чөлүгэр түһэрэргэ элбэх сыл-хонук уонна үп-харчы барар.

Сири алдьаппыт буруйдаах административнай ыстараабы таһынан, алдьаппыт сирин чөлугэр түһэриэхтээх, итини таһынан, суут уурааҕынан тулалыыр айылҕаҕа тахсыбыт хорумньуну боруостуохтаах.

Холобур: гражданин Иванов Ив.Ив.дьиэ тутуутугар анаан быраҕыллыбыт бааһынаҕа 50 кв. м. иэннээх сиртэн  8 кубометр хара буору туорэн тиэйэн аҕалбыт. Бу дьайыы кэтээн көрөр органнарга биллибит уонна былааны таһынан бэрэбиэркэ түмүгунэн маннык миэрэлэр туттуллубуттар:

— административнай ыстараап  — РФ административнай буруйдары оҥоруу кодекса 8.6 ыст. бастакы чааһынан – 1000 солк;

— сири чөлүгэр түһэриигэ буруйдаах ороскуота (сири тэҥнээһин, хара буору тиэйэн аҕалан тарҕатыы) – 5000 солк;

— суут уурааҕынан айылҕаҕа тахсыбыт хорумньуну боруостааһын (хорумньу анал методиканан ааҕыллар) :

50 кв. м х1,6 х 500 солк = 40000 солк

Онон, барыта 46000 солк. тэҥнэстэ, баһаам уп-харчы.

Хас биирдии Россия гражданина бигэтик өйдүөхтээх – тыа хаһаайыстыбатын сирин  үрүт араҥатын түөрүү уонна тиэйии сокуонунан булгуччу бобуллар.

Источник: Управление Россельхознадзора по РС(Я).
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ