АФИША КАРТА ЯКУТСКА 2GIS Билеты онлайн
ПОГОДА
7
Пасмурно
КУРС ВАЛЮТ
Курсы валют
Курс ЦБ
$  56.98
 62.04
ЛЕНТА НОВОСТЕЙ
01.05.2017, 14:39
Общество
Фотофакт
Первомай в Якутске
Архив новостей
Сахалыы
18 апреля 2017, 18:41
341

«Саха сиригэр идэтийбит искусствоны төрүттээччи» киинэ-уруок сүрэхтэннэ

Муус устар 17 күнүгэр С.Ф. Гоголев аатынан Дьокуускайдааҕы педагогическай колледж саалатыгар саха бастакы идэтийбит композитора, РСФСР искусствотын үтүөлээх диэйэтэлэ, фольклорист М.Н. ЖИРКОВ төрөөбүтэ 125 сылыгар аналлаах тэрээһин чэрчитинэн, Марк Жирков олоҕун, айымньылаах үлэтин сырдатар сыаллаах «Саха сиригэр идэтийбит искусствоны төрүттээччи» диэн ааттаах бастакы видеоурок сүрэхтэниитэ буолла. Сүрүн тэрийээччилэринэн Саха сирин норуоттарын музыкатын уонна фольклорун музейа уонна С.Ф. Гоголев аатынан Дьокуускайдааҕы педагогическай колледж.

Киинэ ааптара, сценариһа, режиссера, диктора, музыковед, Дьокуускайдааҕы педагогическай колледж учуутала, Саха сирин норуоттарын музыкатын уонна фольклорун музейын үлэһитэ Мариам ШАМАЕВА. Үлэтин түмүгүн отчуоттуур тэрээһинин бу киинэ Марк Жирков олоҕун, айар үлэтин үйэтитэр сыаллаах-соруктаах оҥоһуллубутун туһунан билиһиннэриитинэн биэчэри арыйда. Тэрээһини «Арчы» хор Марк Жирков репертуарыттан ырыалара кэлбит ыалдьыттары музыка эйгэтигэр киллэрдэ. «КылСаха» ансаамбыл толорууларыгар Саха национальнай инструмена кырыымпа сыыйыллар тыаһа бар дьону сөхтөрдө, сүрэҕин-дууһатын манньытта.

Тэрээһин иккис чааһыгар Марк Жирков олоҕун, айар үлэтин, кини сүдү талаанын сырдатар киинэни көрүү буолла. Кырдьык да элбэх үлэттэн, сыраттан тахсыбыта тута харахха быраҕыллар, историчечкай чахчыларга олоҕурбут, ону мэктиэлиир хаартыскалар, Марк Жирковы кытта кыратык да буоллар алтыһа сылдьыбыт дьон, кини талааныгар, үлэтигэр сүгүрүйэр дьон ахтыылара киинэҕэ киирбитэ кэрэхсэтэр.

Колледж устудьуоннара, уһуйааччылара, идэлээх дьон киинэни көрөн бараннар олус диэн астыннылар, хайҕаатылар, махтаннылар. Уонна Саха республикатыгар Марк Николаевич Жирков олоҕун уонна айар үлэтин сырдатар бастакы киинэ сүрэхтэммитин туһунан уонна бу историческай событие буолла диэн эттилэр. Киинэ оскуолаларга, орто, үрдүк үөрэх кыһаларыгар тарҕаныахтааҕын бигэргэттилэр. Киинэ ааптара Мариам Шамаева өссө да инникитин киинэтин салгыырын туһунан эттэ.

Муус устар 22 күнүгэр, 11 чаастан Саха сирин норуоттарын музыкатын уонна фольклорун музейыгар Марк Николаевич Жирков төрөөбүтэ 125 сылыгар аналлаах тэрээһин, Бүлүү куорат делегацията кыттыылаах Марк Жирковка аналлаах «Музыкант уонна кини нэһилиэстибэтэ» диэн выставка аһыллыытыгар уонна видеоурок сүрэхтэниитигэр барыгытын күүтэбит.

 

comments powered by HyperComments
Источник: Александр НОГОВИЦЫН, музей сүрүннүүр научнай үлэһитэ.
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
28.04.2017, 11:22
Политика
Эксклюзив
Войны генералов
ПОСЛЕДНИЕ МАТЕРИАЛЫ