АФИША КАРТА ЯКУТСКА 2GIS Билеты онлайн
ПОГОДА
16
Дождь
КУРС ВАЛЮТ
Курсы валют
Курс ЦБ
$  59.25
 69.65
ЛЕНТА НОВОСТЕЙ
Архив новостей
Сахалыы
19 октября 2016, 12:18
949

Саха ОҺуокайа сарсыҥҥылаах эбит

Саха  омук уратылаах  оьоокойунан  туойан  доллоһутан, үҥкүүлээн  күөгэлдьитэн норуот  өйүгэр-санаатыгар умнуллубаттыы  хаалбыт  биир  дойдулаахтарбыт — норуот  ырыаһыттара ЕГОРОВ  Николай Николаевич-Ньукутта  95 сааһыгар, ГРИГОРЬЕВ Николай Афанасьвич-Олулла 85  сааһыгар  анаммыт «Түөлбэ Оһуокайа» алтынньы ый 8 кунугэр Ньурбаҕа, Хаҥалас  нэһилиэгэр  ыытылынна.

Бу маннык  тэрээьин  Ньурба  улууһун култуураҕа уонна  норуот  айымньытын  салаата, «ОҺуохай Түмсүү» тэрийиитинэн түөлбэ  оһуохайдьыттарын  ааттарын  уйэтитэр, сайыннарар, Бүлүү  бөлөх  оһуохайдьыттарын  сомоҕолоһуутун  үөскэтэр, саҥа этэр оҕолору, ыччат  дьону  киэҥ  араҥаҕа  таһаарар  сыаллаах  ыытыллынна.Түөрт Бүлүү  улуустарын  түмэр «Түөлбэ  оһуокайа» 2014  сылтан  саҕалаан, түөрт  сыл  устата  Ньурба    бары  нэһилиэктэригэр  ыытыллан 2017 сылга  түмүктэниэхтээх.Онон Ньурба  дьоно саха  омук  үйэлээх  үтүө  үгэьин – Ытык ОҺуокайы, талба  талааннаахтар  кылыҺахтаах  тылларын-өстөрүн  истэн-көрөн  ааһар  кыахтаахпыт.WhatsApp Image 2016-10-19 at 09.41.01

Оһуокай  күрэҕин күн- дьыл  туругун  аахсыбакка, суол эрэйиттэн иҥнибэккэ элбэх  кыттааччыны аҕалбыт  Үөһээ-Бүлүү улууһун Кэнтик, Оҥхой, Хоро, Дүллүкү нэһилиэктэрин кыттааччылара киэргэттилэр. Ону сэргэ, ыаллыы  сытар Түмүк, Марха, Акана, Киирэп  оһуохайы  сэҥээрээччилэрэ,Антоновка, Кундээдэ, Ньурба  куорат  оһуохай  этээччилэрэ  кыттыыны  ыллылар.

Бу күрэххэ  барыта 66 араас этээччи  кэлэн кыттыста.

Күрэх  аһыллыытын сахалыы  сиэрин-туомун алгысчыт Алиса ИННОКЕНТЬЕВА оҥордо. Тэрээһин  аһыллыытыгар  эҕэрдэ тыллары Хаҥалас  нэһилиэгин  баһылыга Н.В.НИКОЛАЕВ, Ньурба оройуонун  социальнай   боппуруостарга солбуйааччы  баьылыга КИМ Леонид Семенович,  Ньукутта  төрөөбүт  дойдутуттан  Үөьээ-Бүлүү  Оҥхой нэһилиэгин  баһылыга ОТОВ Герман Егорович эттилэр.WhatsApp Image 2016-10-19 at 09.53.06

Саха Сирин барытыгар тиийэ аата иһиллэр  оһуохай этээччи,саха  Ытык Оһуокайын, тойугун инники  кэскилин  туһугар ыччат  дьону уһуйан элбэхтик  улэлии сылдьар  Үөһээ-Бүлүүттэн А.М. Мойтохонова 14  оҕону илдьэ кэлэн оҕолорго  түьүлгэни киэргэттэ. Айталина Михайловна уһуйа сылдьар оҕото  Семенов Рустам оҕолорго  «Бастыҥтан бастыҥ» ааты  олус эрэллээхтик ылла.

Рустамы, атын да оҕолору  оһуохай тылын таһааран  түһүлгэни  эргитэ  сылдьалларын  көрдөххө, орто дойду  олоҕор  Оһуокай  оһуордаах  оонньуута  өлбөт-сүппэт  дьылҕаламмыт, саха  оһуокайа  сарсыҥҥылаах эбит диэн  эрэл санаа  үөскүүр.

7-12 саастаахтарга бастакы  миэстэни Хаҥаластан Анжелина ЖДАНОВА (сал.Алексеева П.Н.)., 13-17 саастаахтарга Күндээдэттэн Алена ИПАТЬЕВА, Олулла  оҕолорун анал бирииһин Маартан Эрчим ГРИГОРЬЕВ  ыллылар.

Улахан дьон күрэҕэр,  дьахталларга Чаппандаттан Валентина БУХОЛОВА кыайан, Ньукутта аймахтара туруорбут сыаналаах  телевизордарыгар тигистэ, эр дьоҥҥо Ньурбаттан Саха Сирин Дархан этээччитэ Александр Федорович СОФРОНОВ кыайда, Олулла  оҕолоро туруорбут бириистэрин ылла. Антоновка  олохтоохторо Н.А.Алексеев «Аҕам саастаах этээччи» ылла, Т.Ф.Федорова  «Саҥа этээччи» диэн номинацияҕа кыайда.

18-35 саастаах этээччилэргэ бастакы миэстэни Ньурба куораттан ФЕДОРОВ Прокопий, 36-50 саастаахтарга бастакы миэстэни  Аканаттан Людмила ЖИРКОВА,  51-тэн үөһээ  саастаахтарга бастакы  миэстэ5э Кундээдэттэн Ирина ВАСИЛЬЕВА ыллылар. Атын  да анал  ааттарга  тиксибиттэр бары  илии  тутуурдаах, өттүк харалаах дьиэлээтилэр. Түөлбэ  оһуокайын  кыттыылаахтара  Ньукутта уонна  Олулла  о5олоро , аймахтара  бэлэмнээбит баай-талым  аһылыктаах, ырыа-тойук аргыстаах далбар  остуолларыгар  тото-хана  аһаан тарҕастылар.WhatsApp Image 2016-10-19 at 09.53.12

Буолан ааспыт түөлбэ  оһуокай курэҕи историяҕа  үйэтитэн «Ньурба улууһа» МО пресс -сулууспатыттан ФЕДОРОВА С.Р, Ньурба оһуокайын көмүс  фондатын тэрийбит биллиилээх фольклорист В.С.ЛОСОТОВ, бу улэни салгыы сылдьар культура салаатын улэьитэ ЛАЗАРЕВА А.А. уо.д.а атыттар  уһуллулар.

Биир дойдулаахтарбыт норуот ырыаһыта, улуус бочуоттаах олохтооҕо Николай ЕГОРОВ-Ньукутта, чуор  куоластаах тойуксут, сытыы бэргэн тыллаах  оһуохай этээччи Николай ГРИГОРЬЕВ-Олулла  этэн кэбиспит  кылыһахтаах тойуктара, дуорааннаах  оһуокайдара, олорбут  олохторо чугас  дьонноругар,биир  дойдулаахтарыгар мэлдьи махталынан  сылаастык  ахтылла туруоҕа.

Источник: Мария НИКОЛАЕВА, Ньурба Хаҥалаһа. «Ньурба» хаһыат общ. корреспондена.
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ