АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
9
Ясно
КУРС ВАЛЮТ
Курс ЦБ
$  66.25
 78.08
18+
ЛЕНТА НОВОСТЕЙ
Архив новостей
Сахалыы
14 августа 2018, 17:25
3532

Саха кыыһа Алена Лыткина Америкаҕа олорор, айар ыырын кэҥэтэр

Лыткина Алена Ивановна Уус Алдан Кэптэнититтэн төрүттээх. Чехияҕа художественнай училищены бүтэрэн баран билигин Америкаҕа тахсыылаахтык, ситиһиилээхтик үлэлиир. Онно Ямайкаттан төрүттээх Кемар Веддербурн диэн олохтоох уолга кэргэн тахсан олорор, Джейден диэн уол оҕолоохтор.

Алена Лыткина иллэҥ кэмигэр сүрэҕэ, хараҕа тугу сөбүлээбиттэрин уруһуйдуур. Ол курдук, Америка биллиилээх ырыаһыты Рианнаны уруһуйдаан баран фейсбукка таһаарбыт. Ону ыраһыт тус бэйэтэ көрөн баран сөбүлээбит уонна Лондоҥҥа ыытыллар концерыгар ыҥыран, анаан миэстэ ууран сырытыннарбыт.

Аны Алёна модница Ри Рианна диэн кумааҕы кукла оонньууру уруһуйдаан, 2000 экземплярынан альбом-кинигэ таһаартарбыт. Бу кинигэҕэ кини бастыҥ үлэлэрэ киирбиттэр.

Алена ийэтинээн түспүт хаартыскаларыгар көрдөххө, чахчы элбэх спортивнай күрэхтэһиилэргэ кыттыбыт, үгүстүк миэстэлэспит.

Надежда Прокопьевна кэргэнэ эрдэ өлөн, үс оҕотун соҕотоҕун иитэн, үһүөннэрин үрдүк үөрэхтээн, үлэһит дьон оҥортообут. Надежда бэйэтэ эмиэ дэгиттэр талааннаах эбит. Саха Өрөспүүбүлүкэтин үтүөлээх оһуохайдьыта, хайыһарга тренеринэн, физкультура учууталынан отучча сыл үлэлээбит, СӨ үөрэҕириигэ туйгуна.

Бу көстөр хаартыскаларга Кемар ийэтэ, эһэтэ уонна Алёна ийэтэ Надежда Прокопьевна тапталлаах сиэннэрэ Джейденныын.

Надежда билигин Таатта Туора Күөлүгэр Илья диэн киһиэхэ кэргэн тахсан, кини тулаайах хаалбыт оҕолоругар иккис ийэ буолан этэҥҥэ олорор. Ийэ буолар улуу аналын чиэстээхтик толоро сылдьар ийэҕэ, эбэҕэ махтал буоллун

Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ