АФИША КАРТА ЯКУТСКА 2GIS Билеты онлайн ГОД ЭКОЛОГИИ
ПОГОДА
15
Ясно
КУРС ВАЛЮТ
Курсы валют
Курс ЦБ
$  62.34
 73.37
ЛЕНТА НОВОСТЕЙ
16.08.2018, 8:19
Желток
Видео
Сенсация
Гарри Поттер: Уруй айхал!
Архив новостей
Сахалыы
6 августа 2018, 12:50
4817

Ньукулай Сылык «Чараас эйгэ» туһунан

Саҥа кинигэ тахсыыта бүгүн үгүс дьоҥҥо улахан сонун буолбатах курдук. Типография элбэх, кинигэ таһаартарар баҕалаах да вҕыйаҕа суох. Ааттах-суоллаах суруйааччылар кинигэлэрин, биллэн турар, ааҕааччы син кэтэһэр. Оттон  уус-уран айымньы буолбатах эрээри, биһиги бүгүҥҥү олохпутугар  сыһыаннаах, ону ааһан туһалаах да буолар кинигэлэр   ардыгар тыаһа-ууһа суох тахсан  атыыланан бүтэн хаалбыттара эрэ баар буолар.

Биир оннук кинигэнэн мин Николай Иннокентьевич -Сылык  “Чараас эйгэ” кистэлэҥэ”  диэн улэтин сыаналаатым. Саха үксэ билэрэ буолуо, бу киһи бэйэтэ физик үөрэхтээх, Томскай гоусударственнай университетын бүтэрбитэ.Сүүрбэччэ сыл Космофизика институтугар космическэй сардаҥалары чинчийэр аан дойдуга биллибит  ШАЛ  установкаҕа үлэлээбитэ.1991 сылтан бэйэтин айылҕаттан бэриллибит дьоҕурун туһанан куһаҕан тыыннаах сирдэри, киһи кутугар-сүрүгэр иҥмит тас дьайыылары үөрэтэр, ону суох оҥорор проблемаларынан дьарыктанар.  Бу кини төрдүс кинигэтэ.Саха итэҕэлигэр олохсуйан бүгүҥҥү олох көстүүлэрин, сороҕор наука да, өй-санаа да ситимнээбэт  дьыалатын Ньукулай Сылык итэҕэтиилээхтик быһаарар, туоратар билиилээх, кыахтаах киһи. Ону бу кинигэ итэҕэтэр —  сир- дойду тыыннаах, иччиллэх буолара күн бүгүн да биллэрин, куһаҕан тыын содулун, аномальнай зоналар дьон олоҕор-дьаһаҕар дьайыыларын —  кини холобурдарынан көрдөрөр.  Ол холобурдар олоххо чахчы буолбут, Николай Иннокентьевич тус бэйэтэ көмөлөспүт дьонун туһунан, ону  кини ол дьонтон көҥүл ылан кинигэтигэр киллэрбит. Аттыбытыгар субу чараас эйгэҕэ буола турары билбэт да эбиппит диэн киһи сөҕөр эрэ… Кинигэ олус ылыннарыылаахтык, киһи эрэ итэҕэйэр гына суруллубут. Саха киһитэ күннээҕи олоҕор туһанар, сирдэтинэр түгэнэ элбэх. Ол туһунан  сыанабыл биэрэннэр  социология доктора,РАЕН академига Ульяна Винокурова уонна ХИФУ профессора Галина Попова -Санаайа суруйуулара кинигэҕэ киирбиттэр.

Сылык өр сыллаах үлэтин сааһылаан, дьонугар- сэргэтигэр чахчы туһалаах буоллун диэн  түмэн таһаартарбыта хайҕаллаах суол. “Бу эйгэҕэ киирмиэхпиттэн Саха сирин барытын кэриэтэ кэрийэн,экстремальнай айаннарга айаннаан,суол саахалыгар улаханнык оһоллонон, араас аномальнай көстүүлэргэ дьайдаран, өлө-өлө тиллэн, доруобуйам туругун алларытан туран үйэ чиэппэрэ үлэлээбит үлэм түмүгэ буолар” – диэбит автор киирии тылыгар. Онон, бу саҥа, сонун кинигэни булан ааҕаргытыгар сүбэлиибин. Мин тус бэйэм ыарахан түгэҥҥэ Сылык абыраллаах дьоҕуругар итэгэйбит буоламмын сүбэлиибин.

Источник: Наталья Харлампьева, саха народнай поэта.
Если вы стали очевидцем интересного события или происшествия, присылайте фото и видео на Whatsapp +7 (999) 174-67-82
Если Вы заметили опечатку в тексте, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ТОП НОВОСТИ
ПОСЛЕДНИЕ МАТЕРИАЛЫ