ЛЕНТА НОВОСТЕЙ
Архив новостей
Сахалыы
28 ноября 2016, 21:47
851

Н.С. Михайлов (Ньукулааскы) бирииһигэр курэхтэһии

IMG-20161128-WA0037

Сэтинньи ый 26 кунугэр Дьокуускай куоракка коррекционнай оскуола спортивнай саалатыгар харахтарынан кыайан көрбөт инбэлиит дьон ортолоругар «Showdown» остуол тенниһигэр Республикатааҕы курэхтэьии буолан ааста. Курэхтэһии Нюрба оруйуонун көрбөттөр обществоларын 20-чэ сыл секретарынан, бэрэссэдээтэлинэн үрдүк таһаарыылаахтык улэлээбит Николай Семенович Михайлов аатын уйэтитэр сыаллаах буолла. Курэхтэһиигэ барыта 11 оруйуонтан 20 киһи кыттыыны ыллылар, олор истэригэр 6 дьахтар, 14 эр киһи.

IMG-20161128-WA0036

Бу курэхтэһии Николай Семенович улахан уола Любомир Николаевич туруорсуутунан, кэпсэтиитинэн ыытылынна. Республикатааҕы көрбөттөр обществоларын бэрэссэдээтэлэ, биһиги биир дойдулаахпыт Николаев Владислав Николаевич өйөөһүнүнэн курэхтэһии барда. Маннык параолимпийскай көрүҥҥэ  Республикаҕа аан бастаан күрэхтэһии ыытыллыбыта, харахтарыынан көрбөт инбэлиит дьоҥҥо болҕомто ууруллубута сүрдээх  кэрэхсэбиллээх дьыала. Көрбөттөр ортолоругар остуол тенниһигэр курэхтэһии баарын биир бэйэм истэр этим, онтум дьэ ыытыллар эбит. Харахпынан көрөн баран чахчы интэриэһинэй курэхтэһии эбит, остуол мээнэ остуол буолбатах, Дальнай Востокка соҕотох остуол баар эбит маннык ааттаах курэхтэһиини ыытарга оннук остуол Саха Сиригэр эрэ баар эбит.

IMG-20161128-WA0035

Бу курэхтэһии биһиги биир дойдулаахпыт Маалыкайга олорбут, совхозка бэтэринээринэн улэлээбит улэ-тыыл, спорт бэтэрээнэ Николай Семенович Михайлов (Ньукулааскы) сырдык аатын уйэтитэр сыаллаах ыытылынна. Биллэн турар Ньукулааскы харазынан мөлтөхтүк көрөр буолан теннистээбэтэх киьи. Ол гынан баран 20-чэ сыл көрбөттөр обществоларыгар улэлээбит-хамнаабыт спорду, чөл олоҕу өрө туппут киһиннэн буолар. Ол курдук эдэр сылдьан атаҕынан сүүрэрин, Марха өрускэ харбыырын, дуобаттыырын, саахыматтыырын истэр даҕаны көрөр да этим. Биир тылынан эттэххэ олоххо активнай позициялаах итэ5эьи-быьа5аьы, сирэйгэ этэр утары созус тыллаах өстөөх киһи этэ. Мин оҕо санаабар оннук өйдөбүл хаалбыт. Ньукулааскы кэргэнинээн Клавалыын элбэх туруу ыччаттардаахтар, сиэннэрдээхтэр, хос сиэннэрдээхтэр дьоллоох олоҕу олорон ааспыт дьоннор, оҕолор төрөппүттэрин олоҕун салҕыыллар…ситэ онорботохторун оноруохтара онно мин бигэ эрэллээхпин, төрөппүттэрин ааттарын түһэн биэриэхтэрэ суоҕа.

IMG-20161128-WA0034

Бу курэхтэһиини улахан уола Дьокуускай куоракка олорор, ХЭТ «Аргумент» генеральнай директорынан улэлиир, юрист идэлээх, Дьокуускай куорат Думатын депутатын субэһитэ, Республикатааҕы хараҕа суохтар обществоларын бэрэссэдээтэлин сүбэһитэ Любомир Николаевич Михайлов тэрийэн-бэрийэн, бирииһин барыта бэйэтэ булан ыытта. Ол курдук кыайыылаахтар кубоктарынан, мэтээллэринэн, махтал суруктарынан, сертификатынан наҕараада туттулар. 1 миэстэни эр дьоннорго Нюрбаттан төрүттээх Киров н. олохтооҕо Александр Семенов. 2 миэстэни Клим Иванов (Сунтаар). 3 местоны Михаил Егоров Нюрба Маалыкайыттан ылла. 4 местоны коррекционнай оскуоланы быйыл бутэрэр выпускнига Мичил Моисеев  Нюрба Маалыкайыттан торуттээх ылла. Дьахталларга 1 местоны Василиса Мартынова (Дьокуускай). 2 место Марианна Рожина (Мэҥэ-Хаҥалас). 3 место Даяна Старостина (Э-Бытантай) ылан үөрдүлэр-көттүлэр.

IMG-20161128-WA0038

Курэхтиһиигэ Николай Семенович  биир дойдулааҕа бу сурук автора ыҥырыллан ыалдьыт буолан тыл эттим уонна музыкальнай эҕэрдэ тиэртим. Уонна биир дойдулааҕа Маалыкайтан спорт ветерана, элбэх оҕо аҕата, эһээтэ Владимир Иванович Халабышев ынырыллан кэлэн Ньукулааскы туьунан истиҥ иһирэх тыллары эттэ истиэххэ үчүгэй, ол курдук Ньукулааскы дуобакка маастарга кандидат таһымыгар тиийэр куустээх дуобатчыт быһыытынан Бордоҥ нэһилиэгин, Нюрба оруйуонун, Саха Сирин аатын араас таьымнаах курэхтэһиилэргэ  чиэстээхтик көмүскээбитин кэпсээтэ.

IMG-20161128-WA0039

Түмүктээн этэр буоллахха курэхтэһии үчүгэй тэрээһиннээхтик барда. Судьялар үчүгэйдик чуолкайдык үлэлээтилэр. Түгэнинэн туһанан коррекционнай оскуола педколлективыгар, директорыгар Мария Гаврильевна Старостинаҕа  күрэхтэһии үрдүк таһымҥа барарыгар күүс-көмө, сүбэ-ама буолбуттарыгар дьиэлэрин-уоттарын коҥуллээбиттэригэр барҕа махталбытын тиэрдэбит.

IMG-20161128-WA0040

Михайлов Николай Семенович (Ньукулааскы) Эһиил 2017 сылга төрөөбүтэ 85 сааьын туоларынан сибээстээн кини сырдык аатын үйэтитэр сыаллаах дуобакка курэхтэһии  кулун тутар ыйга  Нюрба Маалыкайыгар эбэтэр Малдьа5арга буоллара буоллар диэн баҕа санаалаах тарҕастыбыт. Санаа хоту буоллун, баҕабыт барыта туоллун.

IMG-20161128-WA0041

IMG-20161128-WA0042

IMG-20161128-WA0043

IMG-20161128-WA0033

 

Источник: Спорт бэтэрээнэ М.И.Николаев. Сэтинньи 28 кунэ. Дьокуускай куорат.
Если Вы заметили ошибку в тексте или опечатку, просто выделите этот фрагмент и нажмите Ctrl+Enter, чтобы сообщить об этом редактору.
Спасибо!
Система Orphus
ПОСЛЕДНИЕ МАТЕРИАЛЫ